عوامی تحریک کراچی کی ایگزیکٹو کونسل کا اجلاس

• 17 دسمبر 2017ء

پاکستان عوامی تحریک کراچی کی ایگزیکٹو کونسل کا اہم اجلاس صوبائی سیکرٹریٹ گلشن اقبال 17 دسمبر 2017ء کو ہوا۔ اجلاس میں موجودہ ملکی صورتحال، سانحہ ماڈل ٹاؤن، کراچی کے مسائل، مرحلہ وار تنظیم سازی و دیگر امور پر غور کیا گیا۔ صدر پاکستان عوامی تحریک کراچی سندھ مشتاق صدیقی نے اجلاس سے خطاب کرتے ہوئے کہا پاکستان عوامی تحریک احتساب اصلاحات پھر انتخابات کے مطالبے پر قائم ہے فی الحال سانحہ ماڈل ٹاؤن پر توجہ ہے ماڈل ٹاؤن میں قتل عام کا حکمرانوں سے پہلے حساب لے لیں پھر دیگر مطالبات کیلئے تحریک چلائیں گے۔ مزید ...

’’مظلوم ظلم کو قبول کر لے تو ظالم قوت پکڑتا ہے‘‘: ڈاکٹر طاہرالقادری کی شہدائے ماڈل ٹاون کے ورثاء سے ملاقات

• 16 دسمبر 2017ء

پاکستان عوامی تحریک کے سربراہ ڈاکٹر محمد طاہرالقادری نے مرکزی سیکرٹریٹ میں شہدائے ماڈل ٹاؤن کے ورثاء سے ملاقات کی۔ اس موقع پر انہوں نے کہا کہ جب مظلوم ظلم کو قبول کر لے، خوف، مصلحت اور لالچ کا شکار ہو جائے تو اس سے ظالم قوت پکڑتا ہے، شہدائے ماڈل ٹاؤن کے ورثاء نے وقت کے فرعونوں اور نمرودوں سے ٹکر لے کر ڈٹے رہنے کے حوالے سے جرآت و بہادری اور استقامت کی نئی تاریخ رقم کی۔ یہ قربانیاں ظالم نظام کے خلاف دی گئیں کبھی رائیگاں نہیں جائینگی۔ ان شاء اللہ تعالیٰ انہی پرعزم ورثاء سے مل کر سانحہ ماڈل ٹاؤن کے قاتلوں کو ان کے منطقی انجام تک پہنچائیں گے۔ مزید ...

آل پاکستان وکلاء کنونشن میں سانحہ ماڈل ٹاؤن کے انصاف کیلئے 5 نکاتی قرارداد منظور

• 14 دسمبر 2017ء

آل پاکستان وکلاء کنونشن سے خطاب کرتے ہوئے ڈاکٹر محمد طاہرالقادری نے کہا کہ مظلوموں کی جنگ میں پیپلز پارٹی اور تحریک انصاف میرے دائیں بائیں بیٹھیں گی، جماعت اسلامی، مسلم لیگ، مجلس وحدت المسلمین اور دیگر جماعتیں بھی ہمراہ ہونگی۔ شہدائے ماڈل ٹاؤن کو انصاف دلوانے کیلئے وکلاء کے اظہار یکجہتی سے حوصلے پہلے سے کئی گنا بڑھ گئے۔ انہوں نے کہا کہ جسٹس باقر نجفی کمیشن کی رپورٹ کے ہر صفحہ پر قاتلوں کے نام درج ہیں۔ آل پاکستان وکلاء کنونشن میں شہدائے ماڈل ٹاؤن کے انصاف کیلئے پانچ نکاتی مطالبات پر مبنی قرارداد متفقہ طور پر منظور کی گئی۔ مزید ...

گھی اگر سیدھی انگلی سے نہ نکلے تو ہم ٹیڑھی انگلی سے گھی نکالنا جانتے ہیں: ساجد محمود بھٹی

• 13 دسمبر 2017ء

پاکستان عوامی تحریک کے مرکزی آرگنائزر ساجد محمود بھٹی نے کہا ہے کہ نواز شریف اور شہباز شریف نے اپنے سیاسی مقاصد کیلئے ریاستی ادارے پولیس کو پرامن شہریوں کے خلاف بے دردی سے استعمال کیا۔ اب انہیں اس کی سزا بھگتنا ہو گا۔ دنیا کی کوئی طاقت اب انہیں ان کے عبرتناک ا نجام سے نہیں بچا سکتی۔ انہوں نے کہا کہ عوامی تحریک کے قائد ڈاکٹر طاہرالقادری نے سانحہ ماڈل ٹاؤن کی تحقیقات کیلئے پاناما طرز کی غیر جانبدار جے آئی ٹی بنانے کا مطالبہ کیا ہے، جس کی تمام جماعتوں کے قائدین نے حمایت کی ہے۔ مزید ...

شہباز شریف اور رانا ثناء اللہ مستعفی ہوں، سانحہ ماڈل ٹاون کیس کی غیر جانبدار JIT تشکیل دی جائے: قاضی زاہد حسین

• 10 دسمبر 2017ء

پاکستان عوامی تحریک کراچی سندھ کے زیر اہتمام گلشن اقبال میں تقریب منعقد ہوئی، جس کی صدارت مرکزی صدر قاضی زاہد حسین نے کی۔ انہوں نے خطاب کرتے ہوئے مطالبہ کیا کہ سانحہ ماڈل ٹاؤن کی پانامہ لیکس کیس کی طرح غیر جانبدار JIT تشکیل دی جائے اور کیس کا ٹرائل انسداد دہشت گردی کی فوجی عدالت میں چلایا جائے تاکہ متاثرین کو جلد از جلد انصاف مل سکے۔ مزید ...

کراچی: شہدائے ماڈل ٹاؤن کا قصاص لیں گے: قاضی زاہد حسین

• 04 دسمبر 2017ء

پاکستان عوامی تحریک کے مرکزی صدر قاضی زاہد حسین نے کہا ہے کہ ہم شہدائے ماڈل ٹاؤن کا قصاص بھی لیں گے اور ملک میں کرپٹ نظام کے خلاف جدوجہد کو بھی منطقی انجام تک پہنچائیں گے۔ وہ 4 دسمبر 2017ء کو لاہور کے دورے کے بعد کراچی ائرپورٹ پر استقبال کیلئے آنے والے قائدین سے گفتگو کر رہے تھے۔ مزید ...

سربراہ عوامی تحریک سے چوہدری برادران اور راجہ ناصر عباس کی ملاقات، انصاف کیلئے شانہ بشانہ جدوجہد کا اعلان

• 10 دسمبر 2017ء

پاکستان مسلم لیگ کے مرکزی صدر چودھری شجاعت حسین، سینئر مرکزی رہنما چودھری پرویز الہیٰ اور مجلس وحدت المسلمین کے سیکرٹری جنرل علامہ راجہ ناصر عباس نے عوامی تحریک کے مرکزی سیکرٹریٹ میں ڈاکٹر طاہرالقادری سے ملاقات کی اور شہدائے ماڈل ٹاؤن کے انصاف کیلئے اپنی بھر پور حمایت کا اعادہ کرتے ہوئے مطالبہ کیا کہ جسٹس باقر نجفی کمشن کی رپورٹ آنے کے بعد شہباز شریف اور رانا ثناء اللہ فی الفور استعفیٰ دے کر خود کو قانون کے سامنے سرنڈر کریں۔ ڈاکٹر طاہرالقادری نے چوہدری برادران اور راجہ ناصر عباس کا شکریہ ادا کرتے ہوئے کہا کہ دونوں جماعتوں کے قائدین و کارکنان پہلے دن سے حصول انصاف کی جدوجہد میں شانہ بشانہ ہیں۔ مزید ...

شیخ رشید کی سربراہ عوامی تحریک سے ملاقات، شہدائے ماڈل ٹاؤن کے انصاف کیلئے مکمل تعاون کی یقین دہانی

• 10 دسمبر 2017ء

ڈاکٹر طاہرالقادری نے شیخ رشید کے ہمراہ پریس کانفرنس کرتے ہوئے کہا ہے کہ جسٹس باقر نجفی کمیشن کی رپورٹ کے ذریعے چھپا ہوا سچ سامنے آگیا۔ عوام کے دباؤ کے ذریعے قاتلوں کے گریبان پکڑیں گے۔ شیخ رشید نے ہمیشہ سانحہ ماڈل ٹاؤن کے ظلم کے خلاف آواز بلند کی، آج بطور خاص ان کی آمد پر ان کے شکر گزار ہیں۔ عوام کی پرامن طاقت سے قاتلوں، لٹیروں کو کک آؤٹ کریں گے۔ جسٹس باقر نجفی کمیشن کی رپورٹ نے شہباز شریف اور رانا ثناء اللہ کو قاتل ڈیکلیئر کر دیا یہی وجہ ہے کہ یہ ساڑھے تین سال اس رپورٹ کو دبا کر بیٹھے رہے۔ مزید ...

ڈاکٹر طاہرالقادری کے تین مطالبات، تحریک انصاف کی بھرپور حمایت

• 09 دسمبر 2017ء

پاکستان عوامی تحریک کے سربراہ ڈاکٹر محمد طاہرالقادری نے تحریک انصاف کے سینئر مرکزی رہنماؤں جہانگیر ترین اور شاہ محمود قریشی کی قیادت میں آنیوالے وفد کے ہمراہ پریس کانفرنس میں سانحہ ماڈل ٹاؤن کے انصاف کیلئے 3 مطالبات پیش کرتے ہوئے کہا کہ شہباز شریف اور رانا ثناء اللہ فوری استعفیٰ دیں، 2 سانحہ ماڈل ٹاؤن میں بالواسطہ، بلاواسطہ ملوث افسران کیس کے حتمی فیصلہ تک عہدے چھوڑ دیں، 3 سانحہ کی تحقیقات کیلئے پانامہ لیکس کی طرز پر با اختیار، غیر جانبدار جے آئی ٹی تشکیل دی جائے۔ مزید ...

سربراہ عوامی تحریک سے پی ایس پی کے چیئرمین مصطفی کمال کی وفد کے ہمراہ ملاقات

• 09 دسمبر 2017ء

پاکستان عوامی تحریک کے سربراہ ڈاکٹر طاہرالقادری نے پاک سرزمین پارٹی کے چیئرمین مصطفی کمال کے ہمراہ عوامی تحریک کے مرکزی سیکرٹریٹ میں پریس کانفرنس سے خطاب کرتے ہوئے کہا کہ سانحہ ماڈل ٹاؤن کی تحقیقات کیلئے پاناما طرز کی غیر جانبدار جے آئی ٹی بنائی جائے۔ جسٹس باقر نجفی کمیشن کی رپورٹ کی روشنی میں ملزمان عہدے چھوڑ کر خود کو قانون کے حوالے کر دیں۔ اتنے کمزور نہیں ہیں کہ استعفیٰ مانگیں ہم استعفے کا حکم دے رہے ہیں بصورت دیگر قانونی، سیاسی اور فیصلہ کن عوامی جدوجہد کیلئے تیار ہیں۔ ماڈل ٹاؤن میں بیریئر نہیں مجھے راستے سے ہٹانے کیلئے آپریشن کیا گیا اور یہ سب حقائق جسٹس باقر نجفی کمیشن کی رپورٹ میں درج ہیں۔ مزید ...