متحدہ اپوزیشن کا شہدا ماڈل ٹاؤن و قصور کے انصاف کیلئے عوامی احتجاج

• 17 جنوری 2018ء

سانحہ ماڈل ٹاون اور سانحہ قصور میں حصول انصاف کے لیے متحدہ اپوزیشن کا عوامی احتجاج مال روڈ لاہور پر ہوا۔ احتجاج کے دو سیشنز میں پیپلز پارٹی کے کو چیئرمین آصف علی زرداری، تحریک انصاف کے چیئرمین عمران خان سمیت، عوامی مسلم لیگ کے سربراہ شیخ رشید، قاف لیگ کے رہنماء چوہدری پرویز الہی، پی ایس پی کے مصطفیٰ کمال سمیت مذہبی و سیاسی جماعتوں کے قائدین نے بھرپور شرکت کی۔ ڈاکٹر طاہرالقادری نے خطاب کرتے ہوئے کہا کہ احتجاجی تحریک کے آئندہ لائحہ عمل کا اعلان چند روز میں کیا جائے گا۔ مزید ...

17 جنوری تحریک قصاص کا ریلا چور کرپٹ اور قاتل حکمرانوں کو بہا لے جائے گا: عوامی تحریک کراچی

• 14 جنوری 2018ء

پاکستان عوامی تحریک کراچی سندھ کے صدور قیصر اقبال قادری، لیاقت حسین کاظمی، عبدالواحد قاسمانی اور شہزاد قریشی نے کہا ہے کہ 17 جنوری تحریک قصاص کا ریلا چور کرپٹ اور قاتل حکمرانوں کو بہا لے جائے گا۔ ملک میں قانون کا نہیں جنگل کا راج ہے قوم کی جان مال عزت آبرو کچھ محفوظ نہیں۔ پاکستان کے مسائل کا حل کرپٹ نظام کے خاتمے میں ہے قانون کی بالادستی ضروری ہے۔ قوم اپنے بچوں کے مستقبل کا تحفظ چاہتی ہے تو 17 جنوری تحریک قصاص کا حصہ بنے۔ جو حکمران قوم کے جان مال عزت آبرو کا تحفظ نہیں کر سکتے تو انھیں اقتدار میں رہنے کا کوئی حق نہیں۔ مزید ...

17 جنوری کے احتجاج میں دو یا تین نہیں صرف ایک کنٹینر ہوگا، آصف زرداری، عمران خان ایک سٹیج پر خطاب کرینگے: ڈاکٹر طاہرالقادری

• 16 جنوری 2018ء

اے پی سی اسٹیئرنگ کمیٹی اور ایکشن کمیٹی کا مشترکہ اجلاس پاکستان عوامی تحریک کے مرکزی سیکرٹریٹ ماڈل ٹاون میں 16 جنوری 2018ء کو ہوا۔ اجلاس کے بعد ڈاکٹر محمد طاہرالقادری نے راہنماؤں کے ہمراہ میڈیا کو بریفنگ دیتے ہوئے کہا کہ 17جنوری کے احتجاج میں دو یا تین نہیں صرف ایک کنٹینر ہوگا، آصف علی زرداری، عمران خان دیگر قائدین اسی پر خطاب کریں گے۔ اے پی سی اسٹیئرنگ کمیٹی کے اجلاس میں تمام امور اتفاق رائے کے ساتھ طے کر لیے ہیں اور مجھے یہ اعلان کرتے ہوئے خوشی ہورہی ہے کہ ظلم، بربریت، قتل وغارت گری کے خاتمے کے لیے قومی، سیاسی قیادت یکجا ہے، سانحہ ماڈل ٹاؤن کے شہداء کا بھی انصاف ہوگا۔ مزید ...

اسلام آباد: پاکستان عوامی تحریک کا ’’جسٹس فار زینب‘‘ کیلئے احتجاجی مظاہرہ

• 11 جنوری 2018ء

پاکستان عوامی تحریک اسلام آباد کے زیراہتمام قصور میں درندگی کا نشانہ بنانے کے بعد قتل کی جانے والی معصوم زینب کے قاتلوں کی گرفتاری، پولیس گردی اور مظاہرین کے قتل کے خلاف احتجاجی مظاہرہ کیا گیا، مظاہرے میں عوامی تحریک، تحریک منہاج القرآن، منہاج القرآن ویمن لیگ، مصطفوی سٹوڈنٹس موومنٹ، عوامی تحریک یوتھ ونگ کے کارکنان اور سول سوسائٹی کے لوگوں نے بڑی تعداد میں شرکت کی۔ مزید ...

ڈیرہ غازیخان: پاکستان عوامی تحریک کا ’جسٹس فار زینب‘ کیلئے احتجاجی مظاہرہ

• 13 جنوری 2018ء

پاکستان عوامی تحریک اور تحریک منہاج القرآن ڈیرہ غازیخان کے زیراہتمام ’’جسٹس فار زینب‘‘ کے لیے احتجاجی مظاہرہ کیا گیا، جس کی قیادت سردار محمد سیف اللّٰہ خان سدوزئی نے کی۔ مظاہرہ میں خواتین و حضرات اور بچوں نے احتجاجی مظاہرہ میں شرکت کی، اس موقع پر مظاہرین نے زینب کے قاتل کی گرفتاری اور شہباز حکومت کے استعفے کا مطالبہ کیا۔ مزید ...

ڈاکٹر طاہرالقادری کا سنٹرل پنجاب کے عہدیداران کے کنونشن سے خطاب

• 14 جنوری 2018ء

پاکستان عوامی تحریک کے سربراہ ڈاکٹر محمد طاہرالقادری نے عوامی تحریک سنٹرل پنجاب کے صوبائی و ضلعی عہدیداروں کے کنونشن سے خطاب کرتے ہوئے کہا کہ 17 جنوری کے احتجاج میں شرکت کے لیے اے پی سی میں شریک جماعتوں کی قیادت نے شرکت کی یقین دہانی کروائی ہے، یہ ملکی تاریخ کا پہلا احتجاج ہے جس کا ایجنڈا مظلومین اور مقتولین کے ورثاء کو انصاف دلوانا ہے، اور اب اللہ نے چاہا تو انصاف ہوگا اور ہوتا ہوا سب کو نظر بھی آئے گا۔ مزید ...

کراچی: پاکستان عوامی تحریک کا کراچی پریس کلب کے باہر ’’جسٹس فار زینب‘‘ کے لیے احتجاجی مظاہرہ

• 13 جنوری 2018ء

پاکستان عوامی تحریک کراچی کی طرف سے کراچی پریس کلب کے باہر ’’جسٹس فار زینب‘‘ کے لیے احتجاجی مظاہرہ کیا گیا، جس میں بڑی تعداد میں عوام الناس نے شرکت کی۔ مظاہرے سے خطاب کرتے ہوئے پاکستان عوامی تحریک کے مرکزی صدر قاضی زاہد حسین نے کہا معصوم زینب اور ماڈل ٹاؤن میں 14 شہریوں کے قتل کے ذمہ دار حکمران ہیں۔ موجودہ حکمران قوم کے جان و مال عزت و آبرو کی حفاظت کے بجائے لیٹرے بن چکے ہیں۔ شہریوں کے جان و مال کے تحفظ کی ذمہ داری ریاست کی ہے، نا اہل حکمران اپنے فرائض کی ادائیگی میں مکمل ناکام ہو چکے ہیں انکا اقتدار میں رہنے کا کوئی حق نہیں۔ مزید ...

17 جنوری مال روڈ لاہور سے انصاف کیلئے طاقتور عوامی احتجاج شرو ع ہو گا: ڈاکٹر طاہرالقادری کی APC ایکشن کمیٹی کے ہمراہ پریس کانفرنس

• 11 جنوری 2018ء

ڈاکٹر محمد طاہرالقادری نے اے پی سی ایکشن کمیٹی کے اجلاس کے بعد پریس کانفرنس میں متفقہ فیصلوں کا اعلان کرتے ہوئے کہا ہے کہ شہدائے ماڈل ٹاؤن کے انصاف، معصوم زینب اور قصور پولیس کی بربریت کا شکار شہریوں کے انصاف کیلئے 17 جنوری سے مال روڈ لاہور سے طاقت ور عوامی احتجاج کا آغاز ہوگا۔ قوی امید ہے احتجاج میں اے پی سی میں شریک تمام جماعتوں کی مرکزی قیادت شریک ہو گی۔ تمام آپشن کھلے ہیں کسی حد تک بھی جا سکتے ہیں۔ احتجاج کا آخری راؤنڈ فیصلہ کن ہو گا۔ 17 جنوری کے بعد کے لائحہ عمل کیلئے 16 جنوری کو 12 بجے دن ایکشن کمیٹی کا اجلاس عوامی تحریک کے مرکزی سیکرٹریٹ میں ہو گا۔ مزید ...

’’جسٹس فار زینب‘‘ احتجاجی مارچ

• 11 جنوری 2018ء

پاکستان عوامی تحریک کے سربراہ ڈاکٹر محمد طاہرالقادری نے مختلف سکولوں کے بچوں اور بچیوں کی طرف سے ’’جسٹس فار زینب‘‘ احتجاجی مارچ کی قیادت کرتے ہوئے کہا کہ اگر سنگین جرائم جڑ سے ختم کرنے ہیں تو پھر شہباز شریف، رانا ثناء اللہ کو او ایس ڈی بنانا اور عدالتوں میں طلب کرنا ہو گا، فائرنگ کا حکم ایس پی، ڈی ایس پی کی سطح کا افسر دیتا ہے۔ شہباز شریف صرف لاشوں کی قیمت لگاتے ہیں۔ تیس، تیس لاکھ لے کر قصور پہنچ گئے، حکمرانوں میں اتنی جرات نہیں کہ دن کی روشنی میں قصور جاتے، جب حکمران پبلک کو فیس نہ کرسکیں تو پھر انہیں سٹیپ ڈاؤن کر جانا چاہیے۔ مزید ...

شہدائے ماڈل ٹاؤن کے ساتھ شہدائے قصور کا بھی انتقام لیں گے، ڈاکٹر طاہرالقادری کی معصوم زینب کی نماز جنازہ پڑھانے کے بعد میڈیا سے گفتگو

• 10 جنوری 2018ء

پاکستان عوامی تحریک کے سربراہ ڈاکٹر محمد طاہرالقادری نے 7 سالہ بیٹی زینب جسے درندہ صفت عناصر نے اغواء کے بعد قتل کر دیا تھا کی قصور میں نماز جنازہ ادا کرنے کے بعد میڈیا سے گفتگو کرتے ہوئے کہا کہ شہدائے ماڈل ٹاؤن کے ساتھ شہدائے قصور کا بھی انتقام لیں گے، عوام کے جان و مال اور پھول جیسے بچوں بچیوں کے تحفظ میں ناکام حکمرانوں کا اقتدار میں رہنے کا کوئی جواز نہیں ہے، حکمران فی الفور عہدے چھوڑ دیں، ڈسٹرکٹ پولیس نے انصاف کیلئے آواز اٹھانے والے نہتے طلباء پر ڈائریکٹ فائرنگ کر کے سانحہ ماڈل ٹاؤن کی تاریخ دہرائی، جب تک یہ درندہ صفت، سفاک، قاتل حکمران مسلط رہیں گے، پھول جیسے بچے اور بچیاں قتل ہوتی رہیں گی۔ مزید ...