آصف علی زرداری کی ڈاکٹر محمد طاہرالقادری سے ون ٹو ون طویل ملاقات

• 29 دسمبر 2017ء

پاکستان عوامی تحریک کے سربراہ ڈاکٹر محمد طاہرالقادری اور پیپلز پارٹی کے شریک چیئرپرسن آصف علی زرداری کے مابین ون ٹو ون طویل ملاقات ہوئی اور سانحہ ماڈل ٹاؤن کے انصاف، اے پی سی کے ایجنڈے اور آئندہ کے لائحہ عمل کے حوالے سے دونوں رہنماؤں کے درمیان 55 منٹ سے تک ملاقا ت جاری رہی، ون ٹو ون ملاقات سے قبل دونوں جماعتوں کے رہنماؤں کا مشترکہ اجلاس بھی ہوا اور سانحہ ماڈل ٹاؤن کے قانونی پہلوؤں پر تفصیلی گفتگو ہوئی۔ سربراہ عوامی تحریک نے قانونی پیشرفت کے بارے میں بھی آگاہ کیا، اجلاس کے بعد دونوں رہنماؤں نے میڈیا سے خصوصی بات چیت کی۔ مزید ...

ڈنمارک: پاکستان عوامی تحریک کا یوم قائد اعظم پر پُروقار تقریب کا انعقاد

• 25 دسمبر 2017ء

پاکستان عوامی تحریک ڈنمارک کے زیراہتمام بانی پاکستان قائد اعظم محمد علی جناح رحمۃ اللہ علیہ کے 142 ویں یوم پیدائش کے موقع پر عظیم الشان تقریب کا انعقاد کیا گیا۔ تقریب کا آغاز تلاوت کلام مجید سے ہوا جس کی سعادت علامہ عتیق احمد ہزاروی نے حاصل کی۔ حمزہ برادران نے نعت رسول مقبولﷺ پیش کی جبکہ نقابت کے فرائض الازہر یونیورسٹی مصر کے سکالر، علامہ اشتیاق احمد الازہری نے ادا کیے۔ اس موقع پر منہاج سکول آف اسلامک سائنسز ڈنمارک کی طالبات نے شکریہ پاکستان کے عنوان سے خوبصورت ملی نغمہ پیش کیا۔ مزید ...

چیئرمین تحریک انصاف عمران خان کی اعلیٰ سطحی وفد کے ہمراہ ڈاکٹر طاہرالقادری سے ملاقات

• 26 دسمبر 2017ء

پاکستان عوامی تحریک کے سربراہ ڈاکٹر محمد طاہرالقادری سے تحریک انصاف کے چیئرمین عمران خان اور پارٹی قائدین کے وفد نے ماڈل ٹاون میں ملاقات کی۔ اس موقع پر پریس کانفرنس سے خطاب کرتے ہوئے ڈاکٹر طاہرالقادری نے کہا کہ ایک بھائی پانامہ کیس میں گیا دوسرا ماڈل ٹاؤن قتل عام کیس میں گھر جائے گا۔ احتجاج کا فیصلہ اے پی سی میں مشاورت سے کریں گے۔ عمران خان نے پریس کانفرنس میں کہا کہ ماڈل ٹاون کی قتل و غارت گری خود ٹی وی پر براہ راست دیکھی۔ انصاف کیلئے پوری جماعت ڈاکٹر طاہرالقادری کے ساتھ ہے اور ڈاکٹر صاحب جو لائحہ عمل دیں گے ساتھ کھڑے ہوں یہ سیاسی معاملہ نہیں انسانی معاملہ ہے۔ مزید ...

ڈاکٹر طاہرالقادری کی بانی پاکستان قائد اعظم محمد علی جناح رحمۃ اللہ علیہ کے 142 ویں یوم پیدائش پر پوری قوم کو مبارکباد

• 25 دسمبر 2017ء

ڈاکٹر طاہرالقادری نے بانی پاکستان قائد اعظم محمد علی جناح رحمۃ اللہ علیہ کے 142 ویں یوم پیدائش پر پوری قوم کو مبارکباد دی اور کہا کہ بانی پاکستان نے کمزوروں کے تحفظ کیلئے پاکستان بنایا تھا۔ آج قائد اعظم رحمۃ اللہ علیہ کے پاکستان کو اشرافیہ نے اپنی ذاتی سلطنت میں بدل ڈالا اور کمزور کے حقوق غصب کر لئے، اقتدار کیلئے بے گناہ انسانی خون بے دردی سے بہایا، ظالموں اور غاصبوں کا صفایا کئے بغیر بانی پاکستان کا ایجنڈا مکمل نہیں ہو گا۔ مزید ...

مولانا اجمل قادری کی ڈاکٹر طاہرالقادری سے ملاقات، مولانا سمیع الحق سے ٹیلی فون پر گفتگو

• 23 دسمبر 2017ء

پاکستان عوامی تحریک کے سربراہ ڈاکٹر محمد طاہرالقادری سے جمعیت علماء اسلام کے سرپرست اعلیٰ مولانا اجمل قادری نے انکی رہائش گاہ پر ملاقات کی۔ دونوں رہنماؤں نے جسٹس باقر نجفی کمشن رپورٹ اور ملکی سیاسی صورتحال پر تبادلہ خیال کیا۔ ڈاکٹر طاہرالقادری نے مولانا اجمل قادری کو 30 دسمبر کو ہونے والی اے پی سی میں شرکت کی دعوت دی جو انہوں نے قبول کی اور شرکت کی یقین دہانی کراتے ہوئے کہا کہ یہ سیاست نہیں، بے گناہوں کے خون اور انصاف کا معاملہ ہے۔ مظلوموں کو انصاف دینا حکومت اور ریاستی اداروں کی آئینی ذمہ داری ہے، انہوں نے کہا کہ یہ بات بھی باعث تشویش ہے کہ ملکی تاریخ کے ایک خونی واقعہ کا انصاف ساڑھے تین سال کے بعد بھی نہیں ہو سکا۔ مزید ...

ممبر یورپین پارلیمنٹ واجد خان کی ڈاکٹر محمد طاہرالقادری سے ملاقات

• 21 دسمبر 2017ء

یورپین پارلیمنٹ کے رکن واجد خان نے سربراہ عوامی تحریک ڈاکٹر محمد طاہرالقادری سے اُن کی رہائش گاہ پر ملاقات کی۔ ای یو پاک پاک فرینڈشپ یورپ کے چیئرمین چوہدری پرویز اقبال لوہسر اور پاکستان عوامی تحریک کے سیکرٹری جنرل خرم نواز گنڈاپور بھی اس موقع پر موجود تھے۔ اس موقع پر ماڈل ٹاؤن میں ہونے والے ظلم و بربریت اور حصول انصاف کی تحریک سمیت مختلف امور پر گفتگو ہوئی۔ مزید ...

ڈاکٹر طاہرالقادری کا آل پارٹیز کانفرنس منعقد کرنے کا اعلان

• 21 دسمبر 2017ء

پاکستان عوامی تحریک کے سربراہ ڈاکٹر محمد طاہرالقادری نے عوامی مسلم لیگ کے سربراہ شیخ رشید احمد کے ہمراہ پریس کانفرنس سے خطاب کرتے ہوئے کہا کہ 28 دسمبر کو APC بلانے کا اعلان کر دیا۔ تمام جماعتوں کی مرکزی قیادت کو شرکت کی دعوت دے دی، انہوں نے پریس کانفرنس میں انکشاف کیا کہ سرکاری ریکارڈ کے مطابق ماڈل ٹاؤن میں 45 تھانوں، چوکیوں کی 809 کی نفری نے ’’انسانی بیرئرز‘‘ ہٹانے کے آپریشن میں حصہ لیا، ان میں 204 اسپیشل فورسز کے سنائپرز اور شوٹرز بھی شامل تھے۔ مزید ...

شہباز شریف اور رانا ثناء اللہ سمیت ماڈل ٹاؤن قاتل عام کے ملزمان مستعفی ہوں: قاضی زاہد حسین

• 20 دسمبر 2017ء

پاکستان عوامی تحریک کراچی کے کارکنان کا نجی ہال میں ورکرز کنونشن منعقد ہوا، جس میں مرکزی صدر قاضی زاہد حسین مہمان خصوصی تھے۔ اس موقع پر صوبائی صدر مشتاق صدیقی، جنرل سیکرٹری راؤ کامران محمود، اطہر جاوید صدیقی، سید ظفر اقبال و دیگر قائدین بھی موجود تھے۔ پاکستان عوامی تحریک کے مرکزی صدر قاضی زاہد حسین نے خطاب کرتے ہوئے کہا ہے کہ تحریک قصاص کا تیسرا فیز کرپٹ اور قاتل حکمرانوں کو بہا لئے جائے گا اور انھیں انکے منطقی انجام تک پہنچا کر دم لے گا۔ مزید ...

مسلم کانفرنس کے سربراہ سردار عتیق کی سربراہ عوامی تحریک سے ملاقات، ڈیڈ لائن اور استعفوں کے مطالبات کی حمایت

• 20 دسمبر 2017ء

ڈاکٹر محمد طاہرالقادری نے مسلم کانفرنس کے سربراہ سردار عتیق احمد کے ہمراہ عوامی تحریک کے مرکزی سیکرٹریٹ میں پریس کانفرنس سے خطاب کرتے ہوئے کہا کہ نواز شریف اپنی تحریک عدل چلانے کی تاریخ دیں اسی دن ماڈل ٹاؤن کے قتل عام پر ان کے خلاف قصاص قتل کی تحریک شروع کرینگے، وثوق سے کہہ رہا ہوں اشرافیہ کا خاتمہ یقینی ہے، میرا اندازہ ہے کہ یہ مارچ میں داخل ہوتے نظر نہیں آرہے، 31 دسمبر کی ڈیڈ لائن حتمی ہے، سیاسی جماعتوں کے قائدین سے مشاورت جاری ہے۔ مزید ...

’’سانحہ ماڈل ٹاون کے ذمہ داران 31 دسمبر تک عہدے چھوڑ دیں‘‘ ڈاکٹر طاہرالقادری کا تاجر برادری و سول سوسائٹی کے کنونشن سے خطاب

• 19 دسمبر 2017ء

پاکستان عوامی تحریک کے قائد ڈاکٹر محمد طاہرالقادری سے گلگت بلتستان کے سابق وزیراعلیٰ سید مہدی شاہ اور جمعیت علمائے پاکستان نورانی گروپ کے صدر قاری محمد زوار بہادر اور سربراہ حلقہ سیفیہ پاکستان صاحبزادہ پیر احمد یار سیفی، جمعیت علمائے پاکستان نیازی گروپ کے صدر پیر معصوم نقوی اور پاکستان مسلم لیگ کے سینئر رہنما اجمل وزیر، تاجر برادری اور سول سوسائیٹی کے نمائندوں نے علیحدہ علیحدہ ملاقات کی۔ اس موقع پر ڈاکٹر طاہرالقادری نے کہا کہ شہباز شریف، رانا ثناء اللہ سمیت تمام پولیس افسران اور سانحہ ماڈل ٹاون کے ذمہ داران 31 دسمبر تک عہدے چھوڑ دیں، ورنہ اگلے لائحہ عمل کا اعلان کریں گے۔ مزید ...