پاکستان عوامی تحریک کے 32ویں یوم تاسیس کے موقع پر سنٹرل پنجاب کے زیراہتمام 17 اضلاع کی تحصیلوں، ٹاؤنز اور یونین کونسلز کی سطح پر تقریبات کا انعقاد کیا گیا۔ پاکستان عوامی تحریک کے یوم تاسیس کے موقع پر صدر سنٹرل پنجاب چوہدری بشارت جسپال فیصل آباد میں منعقدہ تقریب سے خطاب کرتے ہوئے کہا کہ دھن، دھونس اور دھاندلی پر مشتمل انتخابی نظام ہی عوام کا سب سے بڑا دشمن ہے۔ مزید ...
پاکستان عوامی تحریک کے 32ویں یوم تاسیس کے موقع پر مرکزی سیکرٹریٹ میں خصوصی تقریب منعقد ہوئی اور کیک کاٹا گیا۔ اس موقع پر خطاب کرتے ہوئے سیکرٹری جنرل خرم نواز گنڈاپور نے کہا کہ عوامی تحریک تبدیلی کی اصل آواز ہے، تبدیلی کے نام پر منافقت ہو رہی ہے، ٹی وی کی سکرین پر نظام کی مخالفت جبکہ اسمبلیوں میں اس نظام کو مضبوط بنانے کے لئے کام کیا جاتا ہے، کوئی اپوزیشن میں ہو یا حکومت میں سب کو حصہ مل رہا ہے۔ نظام کے خلاف بیان بازی کے باوجود سٹیٹس کو کی قوتیں اسی نظام کا استحکام چاہتی ہیں۔ عوامی تحریک نظام کی تبدیلی کی سب سے بڑی آواز ہے۔ کارکن پوچھتے ہیں سانحہ ماڈل ٹاؤن کے انصاف کے لئے اور کتنا صبر کریں؟۔ حکمران بتائیں سانحہ ماڈل ٹاؤن کے ذمہ دار کب کٹہرے میں آئیں گے؟ کم از کم اس دور حکومت میں تو اس سوال کا جواب ملنا چاہیے؟۔ مزید ...
پاکستان عوامی تحریک کے زیراہتمام فلسطین کے عوام سے اظہار یکجہتی کیلئے لاہور سمیت ملک بھر میں اظہار یکجہتی کیا گیا، لاہور پریس کلب کے باہر ریلی سے خطاب کرتے ہوئے خرم نواز گنڈاپور نے کہا کہ اسرائیل نے جنگ بندی معاہدے کے 24 گھنٹے کے اندر خلاف ورزی کی اور مسجد اقصٰی میں نماز کے لئے جمع فلسطینی مسلمانوں پر گرینیڈ پھینکے، معاہدے کے گارنٹر چپ کیوں ہیں، مسئلے کا پائیدار حل اقوام متحدہ کی قراردادوں پر عملدرآمد میں ہے، اسلامی دنیا میں جب بھی کوئی بحران جنم لیتا ہے یا جنگ مسلط کی جاتی ہے تو سلامتی کونسل مینڈیٹ کے مطابق اپنا کردار ادا کرنے میں ناکام رہتی ہے۔ مزید ...
پاکستان عوامی تحریک کے سیکرٹری جنرل خرم نواز گنڈا پور نے گورنر ہاؤس لاہور میں اسرائیلی مظالم کیخلاف اور فلسطین کے عوام کے ساتھ اظہار یکجہتی کے لیے منعقدہ سیمینار میں شرکت کی۔ انہیں گورنر ہاوس کی جانب سے دعوت دی گئی تھی۔ اس موقع پر خرم نواز گنڈاپور نے اظہار خیال کرتے ہوئے فلسطینی عوام پر اسرائیلی مظالم کی شدید مذمت کی۔ مزید ...
پاکستان عوامی تحریک اور آدم ویلفیئر کے اشتراک سے نارتھ ناظم آباد میں 100 سے زائد مستحق خاندانوں میں راشن تقسیم کیا گیا۔ تقریب میں پاکستان عوامی تحریک کراچی کے نائب صدر ڈاکٹر عدنان سامی، سیکرٹری سوشل میڈیا عدنان رؤف انقلابی نے خطاب کرتے ہوئے کہا حکمرانوں نے غربت کے خاتمے کے بجائے غریب کو ختم کرنے کی مہم شروع کر رکھی ہے۔ مزید ...
یوم پاکستان کے موقع پر پاکستان عوامی تحریک نے کراچی میں بیداری شعور مہم کے تحت نظام بدلو موٹر سائیکل ریلی نکالی۔ ریلی کی قیادت مرکزی صدر پاکستان عوامی تحریک قاضی زاہد حسین اور سیکرٹری جنرل خرم نواز گنڈاپور نے کی۔ کراچی میں سہراب گوٹھ سے مزار قائد تک موٹر سائیکل ریلی نکالی گئی۔ مرکزی صدر قاضی زاہد حسین اور خرم نواز گنڈاپور موٹر سائیکل پر سوار رہے۔ مزید ...
یوم پاکستان کے موقع پر پاکستان عوامی تحریک کے مرکزی صدر قاضی زاہد حسین اور سیکرٹری جنرل پاکستان عوامی تحریک خرم نواز گنڈاپور نے وفد کے ہمراہ مزارِ قائد پر حاضری دی اور فاتحہ خوانی کی۔ اس موقع پر راؤ کامران، مشتاق صدیقی، صاحبزادہ ثاقب نوشاہی، اطہر جاوید صدیقی، راؤ محمد طیب، عطا الرحمان ہاشمی، نوید عالم، الیاس مغل، ساجدہ جبین، عدنان روف انقلابی، بشیر خان مروت، سید مزرق حسین شاہ، عالم بادشاہ ایڈووکیٹ و دیگر قائدین و کارکنان بھی موجود تھے۔ مزید ...
پاکستان عوامی تحریک کے زیراہتمام لاہور میں نظام بدلو سیمینار کا انعقاد کیا گیا، جس سے خطاب کرتے ہوئے مقررین نے کہا کہ خوشحال پاکستان کیلئے ظلم پر مبنی نظام بدلنا ہو گا۔ میاں ریحان مقبول نے کہاکہ عوامی تحریک قائد اعظم اور تحریک پاکستان کے مقاصد کے حصول کیلئے سیاسی جدوجہد کر رہی ہے اس جدوجہد کے دوران سانحہ ماڈل ٹاؤن کی صورت میں جانی و مالی قربانیاں دی گئی ہیں، بدقسمتی سے ایوانوں میں ایسی سیاسی جماعتیں گھسی رہیں جن کا ایجنڈہ تعمیر پاکستان نہیں بلکہ اپنا اور اپنے خاندان کے افراد کا پیٹ بھرنا تھا اور پاکستان کی دولت کو لوٹ کر بیرون ملک محلات تعمیر کئے گئے۔ عوامی تحریک اپنے قائد ڈاکٹر محمد طاہرالقادری کے نظریات کی روشنی میں اس ظالم نظام سے عوام کی جان چھڑائے گی۔ مزید ...
پاکستان عوامی تحریک کراچی کی صوبائی قیادت نے منہاج القرآن انٹرنیشنل کے صدر ڈاکٹر حسین محی الدین قادری سے ملاقات کی اور پی اے ٹی کی سیاسی، سماجی سرگرمیوں سے آگاہ کیا۔ اس موقع پر گفتگو کرتے ہوئے ڈاکٹر حسین محی الدین قادری نے کہا پاکستان عوامی تحریک نظریاتی سیاسی جماعت ہے جو ملک میں نظام بدلنے کیلئے جدوجہد کر رہی ہے۔ ڈاکٹر طاہرالقادری استحصالی نظام کے خلاف قانون کی بالا دستی کیلئے عوام کو آئینی شعور دیا۔ مزید ...
کاپی رائٹ 1989 - 2025 پاکستان عوامی تحریک. جملہ حقوق محفوظ ہیں
