بھکر: مصطفوی سٹوڈنٹس موومنٹ کا دہشت گردی کے خلاف امید پاکستان کنونشن

• 26 فروری 2014ء

مصطفوی سٹوڈنٹس موومنٹ بھکر کا دہشت گردی کے خلاف امیدِ پاکستان کنونشن، پاک فوج کے حق میں زبردست نعرے بازی، دہشت گردی کے خلاف قرار داد بھی منظور، موجودہ حالت میں پاک فوج کا ساتھ نہ دینا ملک سے غداری ہے، پاکستان ہمارے آباؤ اجداد نے بنایا اسے بچانے کے لیے جانیں بھی قربان کر دیں گے، مرکزی صدر چوہدری عرفان یوسف کا کنونشن سے خطاب۔ تفصیل کے مطابق MSM نے وزیرستان میں شروع ہونے والے ملٹری آپریشن کے دوران پاک فوج کا مورال بلند کرنے کے لیے ملک بھر میں ریلیوں، جلسوں، کنونشنز اور کارنر میٹنگز کا آغاز کر دیا ہے۔ مزید ...

حکمران نجکاری کی آڑ میں بڑے قومی اداروں کو در پردہ خرید رہے ہیں۔ عمر ریاض عباسی

• 26 فروری 2014ء

پاکستان عوامی تحریک کے ڈپٹی سیکرٹری اطلاعات عمر ریاض عباسی نے کہا ہے کہ ڈاکٹر طاہرالقادری نے سب سے پہلے نجکاری کے خلاف آواز اٹھائی۔ آج پوری اپوزیشن محکموں کی یونینز نجکاری کے خلاف میدان میں ہیں، حکمران ڈریں اس دن سے جب عوام کاہاتھ اور حکمرانوں کا گریبان ہوگا۔ نجکاری کی آڑ میں معاشی دہشت گردی بند کی جائے، حکومت مزدوروں کے گھروں کے چولہے بند نہ کرے۔ قومی ادارے ہمارے اثاثے ہیں عوامی اثاثے ہیں ان کی حفاظت کریں گے اور نجکاری کی آڑ میں قومی اداروں کی بندر بانٹ نہیں ہونے دیں گے۔ مزید ...

پاک فوج نہ صرف جغرافیائی بلکہ نظریاتی سرحدوں کی بھی محافظ ہے: ڈاکٹر طاہرالقادری کا مبشر لقمان کو انٹرویو

• 25 فروری 2014ء

ڈاکٹر طاہرالقادری نے اپنے انٹرویو میں کہا کہ دہشت گردی کے باعث ملک کو معاشی حوالے سے 78 ارب ڈالر کا نقصان ہوچکا ہے۔ دنیا بھر میں پاکستان بدترین دہشت گردی کے حوالے سے دوسرے نمبر پر جبکہ دہشت گردی سے متاثرہ ممالک میں پہلے نمبر پر ہے۔ انہوں نے کہا کہ نام نہاد مذاکرات کا سلسلہ لامتناہی ہے، حکومت کے پاس ٹائم فریم ہی نہیں کہ کب سے کب تک مذاکرات کرنے ہیں؟ ڈاکٹر قادری نے کہا کہ افواج پاکستان کا مورال بلند کرنے کے لیے ان کے ساتھ کھڑا ہونا ہو گا اور انکی خدمات کی حوصلہ افزائی کرنا ہو گی اس لیے کہ ایک یہی ادارہ رہ گیا ہے جو ملک کو دہشت گردی سے نجات دلا کر امن دے سکتا ہے۔ مزید ...

حافظ آباد: پاکستان عوامی تحریک کے زیراہتمام قائد ڈے کی تقریب

• 25 فروری 2014ء

پاکستان عوامی تحریک حافط آباد کے زیراہتمام شیخ الاسلام ڈاکٹر محمد طاہر القادری کی 63 ویں سالگرہ کے موقع پر قائڈ ڈے کی تقریب کا انعقاد کیا گیا جس میں لوگوں کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا، بعد ازاں پروگرام کی مناسبت سے کارکنان نے ترانوں کے ذریعے اپنے قائد سے عقیدت ومحبت کا اظہار کیا۔ اس موقع پر تحریک منہاج القرآن کے جملہ فورمز کے عہدیداران وکارکنان نے شرکت کی۔ مزید ...

دنیا میں قیام امن، اتحاد امت، اوراتحاد بین المذاہب کے لئے ڈاکٹر طاہرالقادری نے سفیر امن کا کردار ادا کیا ہے۔ فخر زمان عادل

• 24 فروری 2014ء

راولپنڈی( ) 23 فرو ری 2014ء پاکستان عوامی تحریک کے مرکزی رہنما ملک فخر زمان عادل نے کہا ہے کہ ڈاکٹر طاہرالقادری کو سفیر امن کا لقب ملنا اس بات کاثبوت ہے کہ دنیا میں امن کے قیام، اتحاد امت، اور اتحاد بین المذاہب کے لئے ڈاکٹر طاہرالقادری نے پل کا کردار ادا کیا ہے۔ آج سے کچھ عرصہ قبل پوری دنیا میں اسلام کو دہشت گرد مذہب کہا جانے لگا تھا، لیکن ڈاکٹر طاہرالقادری کی شب و روز جدوجہد نے اسلام کا اصل چہرہ دکھا کر غیر مسلموں کو یہ بات تسلیم کرنے پر مجبور کر دیا کہ اسلام امن اور محبت کادین ہے۔ مزید ...

حکومت وقت میں غیرت کا ذرہ ہوتا تو 23 ایف سی جوانوں کی شہادت کی خبر سنتے ہی دہشت گردوں کو کچلنے کیلئے آپریشن کا اعلان کر دیتی۔ ڈاکٹر حسین قادری

• 23 فروری 2014ء

پاکستان عوامی تحریک کی فیڈرل کونسل کے صدر ڈاکٹر حسین محی الدین القادری نے کہا ہے کہ پوری قوم افواج پاکستان کو سلام پیش کرتی ہے جنہوں نے غیرت ملی کا اظہار کرتے ہوئے دہشت گردوں کے خلاف آپریشن کا آغاز کیا۔ دہشت گردی کے فتنے کو کچلنے کا بہترین حل آپریشن ہے کیونکہ مکالمہ انسانوں سے ہوتا ہے درندوں سے نہیں۔ بد امنی، ظلم، بربریت، لاقانونیت اور دہشت گردی کے خلاف عوام کو اٹھنا ہو گااور ڈاکٹر طاہر القادری کا دست و بازو بن کر ملکی مفادات کی دھجیاں اڑانے والے حکمرانوں کو اقتدار کے ایوانوں سے باہر پھینکنا ہو گا۔ مزید ...

ہالینڈ: شیخ الاسلام ڈاکٹر محمد طاہر القادری کی سالگرہ کی تقریب

• 19 فروری 2014ء

سالگرہ کی تقریب سے خطاب کرتے ہوئے علامہ حافظ نذیر احمد قادری نے کہا کہ دنیا میں آج تک انسانیت کے حقوق کے لئے جدوجہد ہوتی رہی ہے ہر بار اس جدوجہد کے مقابل سوچ سرمایہ دارانہ ہوتی تھی جیسے حضرت موسیٰ علیہ السلام کے مقابل فرعون اپنے وقت کادولت مند ترین شخص تھا، حضرت ابراہیم علیہ السلام کے مقابل نمرود،حضرت حسین علیہ السلام کے مقابل یزید اوراللہ کے پیارے حبیب حضرت محمد صلی اللہ علیہ وآلہ وسلم کے مقابل بھی مکہ کے سرمایہ دار سردار ہی تھے۔گویا جب بھی کوئی شخص عوام کے حقوق کی بات کرے گا تو وقت کا سرمایہ دار طبقہ جو علاقائی وسائل پر قابض ہوگا وہ اس آواز کے سامنے دیوار بن جائے گا۔ مزید ...

حکومت کو ریاست، عوام اور افواج پاکستان کے جوانوں سے نہیں صرف اور صرف مکروہ سیاست سے سروکار ہے: شیخ زاہد فیاض کا پریس کانفرنس سے خطاب

• 22 فروری 2014ء

پاکستان عوامی تحریک کے صدر شیخ زاہد فیاض اور سیکرٹری جنرل خرم نواز گنڈا پورنے کہا ہے کہ حکومت کو ریاست، عوام اور افواج پاکستان کے جوانوں سے نہیں صرف اور صرف مکروہ سیاست سے سروکار ہے۔ قومی غیرت کا تقاضہ تھا کہ جس دن ایف سی کے 23 جوانوں کی شہادت کی خبر آئی تھی، وزیر اعظم مذاکرات ختم کر کے دہشت گردی کے خاتمے کیلئے آپریشن کا اعلان کر دیتے۔ حکمرانوں نے پوری قوم کا سر شرم سے جھکا دیا ہے حکومت کی اس بے حسی اور بے ضمیری کی پرزور مذمت کرتے ہیں۔ مزید ...

ملتان: دہشت گردی کے خلاف پاک فوج، سیکیورٹی ادارے اور پاکستانی عوام متحد ہیں، سردار شاکر مزاری کا ریلی سے خطاب

• 21 فروری 2014ء

پاکستان عوامی تحریک کے تحت ملتان میں مہنگائی، بے روزگاری، دہشت گردی اور کرپشن کے خلاف احتجاجی مظاہرہ کیا گیا۔ مظاہرے میں ہزاروں خواتین و حضرات نے شرکت کی۔ اس موقع پر مہنگائی اور دہشت گردی کے خلاف نعرے بازی کی گئی۔ اس موقع پر سردار شاکر خان مزاری نے ریلی کے شرکاء سے خطاب کرتے ہوئے کہا کہ 60 ہزار لوگوں کا خون بہایا جا چکا ہے، جو لوگ شہید کئے گئے ان کا خون ناحق کیا گیا۔ مساجد، امام بارگاہوں، تعلیمی اداروں پر حملے کئے گئے، بچے، بوڑھے، خواتین کا ناحق خون بہایا گیا۔ پوری دنیا میں کہیں بھی ایسا قانون نظرنہیں آتا جس کے اندر قیدیوں کے ساتھ درندگی کا مظاہرہ کیا جائے اور ان کی گردنیں کاٹی جائیں۔ مزید ...

اسلام آباد: پاکستان عوامی تحریک کے زیراہتمام قائد ڈے کی تقریب

• 21 فروری 2014ء

پاکستان عوامی تحریک کے زیراہتمام قائد ڈے کی تقریب کا انعقاد کیا گیا جس میں لوگوں کی کثیر تعداد نے شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع پر تحریک منہاج القرآن، پاکستان عوامی تحریک، منہاج القرآن یوتھ لیگ، مصطفوی سٹوڈنٹس موومنٹ اور منہاج القرآن ویمن لیگ کے جملہ عہدیداران وکارکنان نے شرکت کی۔ تقریب کے اختتام پر شیخ الاسلام ڈاکٹر محمد طاہر القادری کی درازئ عمر کے لیے خصوصی دعا کی گئی اور کیک کاٹا گیا۔ مزید ...