ریاست پاکستان کے تحفظ اور افواج پاکستان کے ساتھ اظہار یکجہتی کیلئے پاکستان عوامی تحریک کے ملک بھر میں مظاہرے

• 25 اپریل 2014ء

خرم نواز گنڈاپور نے مظاہرے کے ہزاروں شرکاء سے خطاب کرتے ہوئے کہا کہ افواج پاکستان کی عزت و وقار کے ساتھ پاکستان کا استحکام و تمکنت اور عوام کا تحفظ اور خوشحالی وابستہ ہے۔ مضبوط فوج ہی پاکستان کے تحفظ کی ضمانت ہے۔ تحفظ پاکستان کیلئے پوری قوم پاک فوج کے ساتھ کھڑی ہے اس لیے پاک آرمی پر کوئی آنچ نہیں آنے دی جائے گی۔ حکومت وقت خاندانی آمریت کو رواج دینے کیلئے ریاستی اداروں کو روندنے کی جس روش پر چل رہی ہے وہ گھناؤنی سازش ہے۔ مزید ...

ملکی استحکام اور قومی یکجہتی کو فروغ دینے کے لئے فکر اقبال پر عمل کرنا ہوگا: سہیل احمد رضا

• 21 اپریل 2014ء

شاعر مشرق ڈاکٹر علامہ محمد اقبال کے یوم وصال کے موقع پر پاکستان عوامی تحریک شعبہ تعلقات عامہ کے صدر شہزاد رسول گجر اور PAT پنجاب کے صدر بشارت عزیز جسپال کی قیادت میں پارٹی وفد نے حکیم الامت علامہ ڈاکٹر محمد اقبال رحمتہ اللہ علیہ کے مزار پر حاضری دی اور پا کستان عوامی تحریک کے قائد ڈاکٹر محمد طاہر القادری کی جانب سے پھولوں کی چادر چڑھائی اور فاتحہ خوانی کی۔ وفد میں سہیل احمد رضا، فیاض وڑائچ، راجہ زاہد، میاں عبد القادر، ساجد بھٹی، حاجی اسحق، طیب ضیاء، سردار رنجیت سنگھ و دیگر بھی شامل تھے۔ مزید ...

اسلام آباد: پاکستان عوامی تحریک کے زیراہتمام بیدارئ شعور ورکرز کنونشن

• 21 اپریل 2014ء

پاکستان عوامی تحریک اسلام آباد این اے 49 کے زیراہتمام بیدارئ شعور ورکرز کنونشن کا انعقاد کیا گیا جس میں لوگوں کی کثیر تعداد نے شرکت کی۔ کنونشن کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر تحریک منہاج القرآن کے جملہ عہدیدارن اور کارکنان بھی موجود تھے۔ کنونشن سے مقررین نے خطاب کرتے ہوئے کہا کہ 11 مئی کا دن انقلاب سے پہلے کرپٹ، پنکچر زدہ اور غیر آئینی الیکشنز کے نتیجے میں بننے والی حکومت اور عوام دشمن نظام کے خلاف عوامی ریفرنڈم ثابت ہو گا۔ مزید ...

تحریک منہاج القرآن لاہور کے زیراہتمام سوشل میڈیا کیمپ برائے رضاکاران

• 20 اپریل 2014ء

تحریک منہاج القرآن لاہور کے زیراہتمام 20 اپریل 2014ء کو مرکزی سیکرٹریٹ تحریک منہاج القرآن پہ سوشل میڈیا کے حوالے سے ایک تربیتی نشست کا اہتمام کیا گیا، جس میں لاہور کے مختلف ٹاؤنز سے رضاکاران نے شرکت کی۔ اس نشست کے مقاصد میں سوشل میڈیا کا مثبت اور بہترین استعمال، سوشل میڈیا پر عملی کام کے دوران احتیاطی تدابیر سے آگہی اور سوشل میڈیا کو حقیقی تبدیلی کے لئے بہتر طریقے سے استعمال کرنے کی ٹپس شامل تھیں۔ مزید ...

سیاست دوبارہ ریاست کو روندنے کی تیاریاں کر رہی ہے مگر قوم ایسا ہرگز نہیں ہونے دے گی: ڈاکٹر طاہرالقادری

• 20 اپریل 2014ء

ڈاکٹر محمد طاہرالقادری نے کہا ہے کہ سیاست دوبارہ ریاست کو روندنے کی تیاریاں کر رہی ہے مگر قوم ایسا ہر گز نہیں ہونے دے گی۔ عوام سیاست کو فرعون بننے دیں گے اور نہ ہی ریاست کے ستونوں کو گرنے دیا جائے گا۔ آئین میں دئیے حقوق واپس لینے کیلئے عوام 11 مئی کو تیاری کے ساتھ نکلیں۔ گھروں میں جلنے مرنے سے کچھ نہیں ملے گا، غاصبوں سے حق چھیننا ہوں گے۔ ریاست کے تحفظ کا آئیندہ لائحہ عمل11 مئی کو دونگا۔ مزید ...

سرگودھا: ایم ایس ایم کے زیراہتمام سیمینار کا انعقاد

• 19 اپریل 2014ء

علامہ محمد اقبال کی برسی پر ان کی یاد میں مصطفوی سٹوڈنٹس موومنٹ سرگودھا کے زیراہتمام سیمینار بعنوان ’’اقبال کا خواب اور آج کا پاکستان‘‘ جناح ہال کمپنی باغ میں منعقد ہوا جس میں ایم ایس ایم کے کارکنان کے علاوہ تحریک منہاج القرآن، پاکستان عوامی تحریک اور منہاج القرآن ویمن لیگ کے کارکنان بھی شریک تھے۔ سیمینار کی صدارت سیکرٹری جنرل پاکستان عوامی تحریک خرم نواز گنڈا پور نے کی، جبکہ مصطفوی سٹوڈنٹس موومنٹ کے مرکزی نائب صدر رضی طاہر، منہاج القرآن یوتھ لیگ کے مرکزی سیکرٹری سوشل میڈیا محمد ہارون ثانی بھی شریک تھے۔ مزید ...

تلہ گنگ: منہاج القرآن یوتھ لیگ کے زیراہتمام سوشل میڈیا کیمپ برائے رضاکاران

• 13 اپریل 2014ء

منہاج القرآن یوتھ لیگ تلہ گنگ کے زیراہتمام 13 اپریل 2014ء کو سوشل میڈیا کے حوالے سے ایک تربیتی نشست کا اہتمام کیا گیا۔ اس نشست کے مقاصد میں سوشل میڈیا کا مثبت اور بہترین استعمال، سوشل میڈیا پر عملی کام کے دوران احتیاطی تدابیر سے آگہی اور سوشل میڈیا کو حقیقی تبدیلی کے لئے بہتر طریقے سے استعمال کرنے کی ٹپس شامل تھیں۔ ڈائریکٹر منہاج انٹرنیٹ بیورو عبدالستار منہاجین نے سوشل میڈیا کے مختلف پہلوؤں پر روشنی ڈالی اور کہا کہ انٹرنیٹ اب ایک ضرورت بن چکا ہے اور اس کا استعمال بھی دیگر شعبوں کی طرح مثبت اور منفی ہو رہا ہے۔ ہم اس میڈیم کو بطور تبلیغ دین بھی استعمال کر سکتے ہیں جس کیلئے ہمیں اپنی صلاحیتیں بروئے کار لانا پڑیں گی۔ مزید ...

اٹک: ایم ایس ایم کے زیراہتمام بیداری طلبہ مارچ

• 15 اپریل 2014ء

مصطفوی سٹوڈنٹس موومنٹ ضلع اٹک کے زیراہتمام بیدارئ طلبہ مارچ، فوارہ چوک تا پریس کلب تک نکالا گیا جس میں کثیر تعداد میں طلبہ نے شرکت کی۔ مارچ کی قیادت ایم ایس ایم کے مرکزی نائب صدور رضی طاہر اور انجینئر حنیف مصطفو ی نے کی، جبکہ ضلعی کوآرڈینیٹر ایم ایس ایم مجاہد خان، ضلعی راہنما عوامی تحریک یوتھ ونگ احسان شاہ، ایم ایس ایم اٹک کے جنرل سیکرٹری حسنات احمد، فتح جنگ کے صدر عتیق الرحمن ،ایم ایس ایم حضرو صدر ابرار حسین، ایم ایس ایم کامرہ کے صدر وقاص احمد بھٹی، ایم ایس ایم جنڈ کے صدر ندیم احمد اور دیگر مقامی راہنما شریک تھے۔ مزید ...

گوجرہ: صدر پاکستان عوامی تحریک پنجاب کی تحریک انصاف کے رہنما خالد محمود چٹھہ سے ملاقات

• 12 اپریل 2014ء

صدر پاکستان عوامی تحریک پنجاب بشارت جسپال اور ضلعی سیکرٹری فیصل آباد میاں عبدالقادر نے گوجرہ ہاوسنگ کالونی گوجرہ میں پروفیسر چوہدری محمد لطیف کی رہائش گاہ پر تحریک انصاف کے ٹکٹ ہولڈر و سماجی رہمنا خالد محمود چٹھہ اور گوجرہ کے تاجر حضرات سے ملاقات کی۔ اس موقع پر خالد محمود چٹھہ نے کہا کہ ہم دل و جان سے شیخ الاسلام ڈاکٹر طاہر القادری کے ساتھ ہوں۔ مزید ...

حکمران ریاست کے نمائندے نہیں دہشت گردوں کا سیاسی چہرہ ہیں۔ ڈاکٹر طاہرالقادری

• 12 اپریل 2014ء

ڈاکٹر محمد طاہرالقادری نے کہا ہے کہ 11 مئی کو ملک بھر میں احتجاجی مظاہرے ہوں گے اس دن انقلاب کا لائحہ عمل دوں گا۔ حکمران ریاست کے نمائندے نہیں دہشت گردوں کا سیاسی چہرہ ہیں اور یہ سیاسی اقتدار کے دائمی خاتمے کی طرف بڑھ رہے ہیں۔ اگر حکمرانوں کو مزید 6ماہ مل گئے تو ملک برباد ہو جائے گا اورسنوارے جانے کے قابل نہیں رہے گا۔ طالبان مذاکرات اور پرویز مشرف کے ٹرائل کی آڑ میں حکمران قومی اداروں کی نج کاری کے ذریعے اربوں کما رہے ہیں۔ مزید ...