پاکستان عوامی تحریک برسراقتدار آکر ملک میں صدارتی جمہوریت رائج کرے گی۔ ڈاکٹر طاہرالقادری

• 10 اکتوبر 2014ء

پاکستان عوامی تحریک کے قائد ڈاکٹر طاہرالقادری نے کہا ہے کہ پاکستان کو صدارتی طرز حکومت کی ضرورت ہے۔ پاکستان عوامی تحریک برسراقتدار آکر ملک میں صدارتی جمہوریت رائج کرے گی۔ 2011ء میں سیلاب کے لئے 55 ارب روپے سیلاب سے ہونے والے نقصان سے روک تھام کے لئے مختص کئے گئے، مگر عملاً کوئی اقدام نہیں کیا گیا۔ موجودہ سیلاب کے متاثرین کی جو امداد کی جارہی ہے اس سے آئندہ کے لئے بیج بھی نہیں خریدے جاسکتے، نقصان کا ازالہ اور آباد کاری کیسے ہوگی، حکمران فقط فوٹو سیشن کے لئے سیلاب زدہ علاقوں میں جاتے ہیں مزید ...

ملک کے ستونوں میں کرپشن بھی ایک ستون بن چکا ہے، ڈاکٹر طاہرالقادری

• 10 اکتوبر 2014ء

اسلام آباد کے ڈی چوک پر دھرنے کے شرکا سے خطاب کرتے ہوئے ڈاکٹر محمد طاہرالقادری نے کہا کہ پاکستان کے ادارے خسارے میں چل رہے ہیں اس حکومت کا پورا نظام کرپٹ ہے، حکمران میرٹ پر سرکاری نوکریاں نہیں دیتے اور لاکھوں کی تنخواہ پر سفارشی لوگوں کو بٹھا دیتے ہیں جس پر عوام کو سوال پوچھنے کا پورا حق ہے کہ سرکاری ملازمت کا میرٹ کیا ہے جبکہ پاکستان میں ڈاکٹرز اور انجینئرز کو بھی لاکھوں میں تنخواہ نہیں دی جاتی۔ انہوں نے کہا کہ اس ملک کے ستونوں میں سے کرپشن بھی ایک ستون بن چکا ہے۔ مزید ...

قوم سیلاب متاثرین، آئی ڈی پیز اور غریبوں کو عید کی خوشیوں میں نہ بھولے، ڈاکٹر طاہرالقادری

• 06 اکتوبر 2014ء

پاکستان عوامی تحریک کے قائد ڈاکٹر طاہرالقادری کی امامت میں پاکستان تحریک انصاف کے چیئرمین عمران خان، عوامی مسلم لیگ کے سربراہ شیخ رشید احمد، سربراہ مجلس وحدۃ المسلمین علامہ ناصر عباس، اجمل وزیرخان، احمد رضا قصوری اور دیگر قائدین تحریک انصاف و پاکستان عوامی تحریک کے علاوہ ہزارہا انقلابیوں اور آزادی مارچ کے شرکا نے شاہراہ دستور پر نماز عیدالاضحی ادا کی۔ مزید ...

غریبوں کے حقوق کے حصول تک انقلابی جنگ جاری رہے گی۔ ڈاکٹر طاہرالقادری

• 03 اکتوبر 2014ء

ڈاکٹر طاہرالقادری کا کہنا تھا کہ موجودہ نظام کے خلاف انقلابی جنگ بھی جاری رہے گی اور سیاسی محاذ پر بھی ان کا مقابلہ کیا جائے گا۔ وفاقی دارالحکومت میں انقلاب مارچ میں شرکاء سے خطاب کرتے ہوئے ان کا کہنا تھا کہ حکمرانوں نے سیلاب زدگان کو ایک دھیلا نہیں دیا صرف فوٹو سیشن کرا کر آگئے ہیں۔ ان کا کہنا تھا کہ آئی ڈی پیز کے ساتھ بھی دھوکہ کیا گیا ان کی رجسٹریشن صرف ٹی وی شو ہے، شمالی وزیرستان کے لوگوں کو کوئی فائدہ نہیں دیا گیا۔ مزید ...

منہاج ویلفیئر فاؤنڈیشن کے تحت اجتماعی قربانی سیلاب زدہ علاقوں میں ہو گی

• 03 اکتوبر 2014ء

امسال اجتماعی قربانی سیلاب سے متاثرہ علاقوں میں کی جا رہی ہے ان میں حافظ آباد، جھنگ، چنیوٹ، اٹھارہ ہزاری، لاہور اور اندرون سندھ و دیگر علاقے شامل ہیں۔ منہاج ویلفیئر کی ٹیمیں اور رضاکاران قربانی کا گوشت متاثرین سیلاب اور غریب بستیوں میں تقسیم کریں گے۔ مزید ...

منہاج القرآن پبلی کیشنز کے ڈپٹی ڈائریکٹر شوکت علی قادری کے انتقال پر ڈاکٹر محمد طاہرالقادری کا اظہار تعزیت

• 03 اکتوبر 2014ء

منہاج القرآن پبلی کیشنز کے ڈپٹی ڈائریکٹر شوکت علی قادری 14 اگست 2014 کو انتقال کر گئے۔ مرحوم گزشتہ کچھ عرصہ سے علیل تھے۔ یاد رہے شوکت علی قادری شیخ الاسلام کے اوائل دور کے رفقا میں سے ہیں، وہ 1996 سے مرکز پر پبلی کیشنز کے شعبہ میں بطور ڈپٹی ڈائریکٹر خدمات سرانجام دے رہے تھے، جبکہ اس سے قبل تحریک منہاج القرآن راولپنڈی تنظیم میں خدمات سرانجام دیتے رہے۔ مزید ...

انقلاب مارچ میں انقلابی بچی کی پیدائش

• 01 اکتوبر 2014ء

پاکستان عوامی تحریک پسرور سے تعلق رکھنے والے اللہ دتہ جو اپنی فیملی کے ہمراہ اگست کے آغاز سے انقلاب مارچ کا حصہ ہے۔ آج صبح پمز ہسپتال اسلام آباد میں اس کے ہاں بیٹی کی پیدائش ہوئی۔ ڈاکٹر طاہرالقادری نے بچی کی پیدائش پر اہل خانہ کو مبارکباد دی اور اپنے ہاتھ سے شہد پلایا۔ انہوں نے بچی کا نام کنیز فاطمہ رکھا، بچی اور اس کے والدین کی دارازی عمروصحت کی دعا کی۔ بچی کے والد اللہ دتہ نے میڈیا سے گفتگو کرتے ہوئے اس عزم کا اظہار کیا کہ وہ انقلاب تک یہاں سے واپس نہیں جائیں گے۔ مزید ...

پاکستان عوامی تحریک کا دھرنا انقلاب کی بڑی تحریک بن کر پورے پاکستان میں ابھرے گا۔ ڈاکٹر طاہرالقادری

• 30 ستمبر 2014ء

ڈاکٹر طاہرالقادری نے کہا کہ پاکستان میں وسائل کی برابر تقسیم نہیں، صحت پر جی ڈی پی کا 1 فیصد اور تعلیم پر صرف 2 فیصد خرچ ہو رہا ہے۔ ورلڈ اکنامک فورم کے مطابق پاکستان کا گراف ہر سال نیچے گر رہا ہے۔ غریبوں کو انصاف کیلئے کئی سال تک انتظار کرنا پڑتا ہے۔ نیلسن منڈیلا نے کہا تھا کہ غربت صدقہ خیرات سے نہیں انصاف سے ختم ہو گی۔ انہوں نے کہا کہ پنجاب پولیس بھکر اور گوجرہ میں پاکستان عوامی تحریک کے کارکنان اور انکے گھر والوں پر ظلم و تشدد کے پہاڑ توڑ رہی ہے سمجھ سے باہر ہے کہ حکومت کیا چاہتی ہے؟ مزید ...

ڈاکٹر طاہرالقادری کا انقلاب دھرنا دوسرے شہروں میں بھی دینے کا اعلان

• 30 ستمبر 2014ء

اسلام آباد: دھرنے کے شرکاء سے خطاب کرتے ہوئے ڈاکٹر طاہرالقادری نے کہا کہ ملک میں انقلاب لانے کے لیے وہ شہر شہر گاؤں گاؤں جائیں گے شہریوں کو گھروں سے نکال کر انقلاب مارچ کا حصہ بنائیں گے۔ ان کا کہنا تھا کہ دھرنے کی وجہ سے حکمرانوں کی بولیاں بھی بدل گئی ہیں۔ بلاول کارکنوں سے معافی مانگ رہے ہیں ، خورشید شاہ بھی مڈٹرم الیکشن کی باتیں کرنے لگے ہیں۔ مزید ...

چوری شدہ مینڈیٹ سے بنی حکومت کی قانونی حیثیت کیا ہے، عوامی تحریک کا سپریم کورٹ سے سوال

• 30 ستمبر 2014ء

پاکستان عوامی تحریک کی جانب سے بیرسٹر علی ظفر سپریم کورٹ میں زیر سماعت ماورائے آئین اقدام کیس کے سلسلے میں نیا جواب داخل کرایا ہے جس میں عدالت عظمٰی کے سامنے 14 سوالات رکھے گئے ہیں، جن میں کہا گیا ہے کہ موجودہ حکومت چوری شدہ مینڈیٹ کے نتیجے میں وجود میں آئی ہے اس کی قانونی حیثیت کیا ہے، کیا سیاسی جماعتوں میں احتساب کو کوئی نظام ہے؟ مزید ...