اسلام آباد: پاکستان عوامی تحریک کے دھرنے میں 3 جوڑے زندگی کے بندھن میں بندھ گئے۔ عوامی تحریک کے سربراہ ڈاکٹر طاہرالقادری کا انقلاب مارچ کے شرکاء سے خطاب کرتے ہوئے کہنا تھا کہ دھرنے میں موجود 3 جوڑے زندگی کے بندھن میں بندھ گئے ہیں اور ان کا نکاح علامہ حافظ محمد نظیر نے پڑھایا۔ مزید ...
ڈاکٹر طاہرالقادری نے کہا ’’گو نواز گو‘‘ کا نعرہ بچے بچے کی زبان پر ہے، نواز شریف کے اقتدار کے خاتمے تک یہ نعرہ اسی شدت سے گونجتا رہے گا۔ حکمران بے حس ہوچکے، فیصل آباد میں نوجوان نے بجلی کا بل ادا کرنے کیلئے اپنا خون بیچا۔ سرکاری ملازمتوں پر سے پابندی اٹھانے کے باوجود یہ نوکریاں غریبوں کو نہیں، ایم این ایز کو ملیں گی، اب ملازمتوں کا کاروبار ہو گا، ہر ایم این اے کو ملازمتیں بیچنے کا موقع دیا گیا ہے۔ ہمارے گرفتار کارکن رہائی کے بعد گھر جانے کے بجائے انقلاب مارچ کو اپنا گھر سمجھتے ہوئے سیدھا یہاں پر آئے ہیں۔ وفاقی کابینہ کے اجلاس میں تسلیم کیا گیا کہ بجلی کے بل زیادہ آئے۔ مزید ...
ڈاکٹر طاہرالقادری نے کہا ہے کہ دھرنا 40 دن چلے گا، اس کے بعد حکومت کا دھڑن تختہ ہوجائے گا۔ ان کا کہنا تھا کہ حکومت بیرونی امداد اور کرپشن ثابت ہونے پر سزائے موت کا قانون بنائے، ہم پر بیرونی ایجنسیوں سے پیسے لینے کے الزامات کی تحقیقات کروانے کے لئے عدالتی کمیشن بنا لے یا بین الاقوامی کمیشن سے انکوائری کروالے، ایک روپے کی امداد ثابت ہوجائے تو مجھے پھانسی کے پھندے پر لٹکا دیا جائے۔ مزید ...
اسلام آباد میں ڈی چوک پر دھرنے کے شرکا سے خطاب کرتے ہوئے ڈاکٹر طاہرالقادری نے کہا کہ نواز شریف یوکرین اور لیبیا کے وزیراعظم کی طرح استعفیٰ دے دیں کیونکہ ہزاروں لوگ 35 روز سے ان سے استعفیٰ مانگ رہے ہیں اور اگر نواز شریف نے استعفیٰ نہ دیا تو پھر لوگ انہیں نکال باہر کریں گے۔ انہوں نے کہا کہ موجودہ حکومت میں کوئی اپوزیشن نہیں ہے اور پارلیمنٹ کے مشترکہ اجلاس میں بھی اپوزیشن بینچوں پر کوئی رکن دکھائی نہیں دیتا۔ مزید ...
اسلام آباد میں کارکنوں سے خطاب کے دوران ڈاکٹر طاہرالقادری کا کہنا تھا کہ حکمرانوں نے ظلم، جبر اور بربریت کی حد کردی ہے، ہمارے کارکنوں پر گولیاں ماری گئیں اور ریکارڈ کو چھپانے کے لئے ان کی گولیاں نکالی ہی نہیں گئیں کیونکہ پمز میں مسلم لیگ (ن) کا قبضہ ہے، اسپتال کے سربراہ کے بھائی اور بھابھی لاہور سے مسلم لیگ (ن) کے رکن قومی اسمبلی ہیں۔ مزید ...
اسلام آباد میں کارکنوں سے خطاب کے دوران ڈاکٹر طاہرالقادری کا کہنا تھا کہ پولیس نے پاکستان عوامی تحریک کے کارکنوں کے علاوہ ان کے ذاتی محافظوں کو بھی گرفتار کرکے ان پر پی ٹی وی پر حملے کا الزام لگایا ہے حالانکہ وہ اس وقت ان کی ذاتی سیکیورٹی پر مامور تھے۔ ایک جانب حکومت دہشتگردی کا خدشہ ظاہر کرتی ہے اور دوسری جانب ہمارے سیکیورٹی گارڈز بھی گرفتار کرلئے گئے ہیں تاکہ ہماری جانب سے کئے گئے سیکیورٹی انتظامات کمزور پڑ جائیں، اس سے معلوم ہوتا ہے کہ نواز شریف کی حکومت خود دہشتگردی کروانا چاہتی ہے۔ مزید ...
اسلام آباد میں ایک ماہ سے جاری دھرنے کے شرکاء سے خطاب کرتے ہوئے پاکستان عوامی تحریک کے سربراہ علامہ طاہرالقادری نے کہا کہ حکومت سے مذاکرات معطل کردیے ہیں، ایک طرف مذاکرات، دوسری طرف کارکن گرفتار ہو رہے ہیں، تمام جماعتیں کہہ رہی ہیں الیکشن میں دھاندلی ہوئی، حکمرانوں کی میٹنگز کی تفصیلات مجھ تک پہنچتی ہیں، مزید ...
اسلام آباد: پاکستان عوامی تحریک کے سربراہ ڈاکٹر طاہرالقادری کا کہنا ہے کہ سیلاب میں اپنی زمینیں بچانے کے لیے طاقتوروں نے بند توڑ ڈالے اور غریبوں کو برباد کردیا۔ عوامی تحریک کے سربراہ نے اپنی تقریر میں پولیس والوں کو بھی وارننگ دی۔ مزید ...
پاکستان عوامی تحریک کے قائد ڈاکٹر طاہرالقادری نے کہا ہے کہ موجودہ سیاسی نظام قائداعظم کے اصولوں کا باغی ہے، ملک کا سارا نظام آئین سے بغاوت ہے، حکمرانوں نے عوام سے ان کے حقوق چھین لئے ہیں، وہ وقت دور نہیں جب حکمرانوں کا جب محاسبہ ہوگا۔ اسلام آباد میں دھرنے کے شرکاء سے خطاب کرتے ہوئے طاہرالقادری کا کہنا تھا کہ فوارہ چوک پر ہمارے کارکن پر تشددکرکے ستر ہزارچھین لئے،پولیس والوں سے کارکنوں پر تشددکا حساب لوں گا، مزید ...
پاکستان عوامی تحریک اسلام آباد کے صدر اشتیاق میر ایڈووکیٹ نے اسلام آباد، راولپنڈی کے علماء کے وفد کے ہمراہ ڈاکٹر طاہرالقادری سے دھرنے میں ملاقات کی اور سفر انقلاب میں کسی قربانی سے دریغ نہ کرنے کے عزم کا اعادہ کیا۔ اس موقع پر میر اشتیاق ایڈووکیٹ نے دھرنے کے شرکاء سے خطاب کرتے ہوئے کہا کہ ڈاکٹر طاہرالقادری کی جدوجہد آئینی، قانونی اور جمہوری ہے۔ علماء کرام ہر قدم پر ڈاکٹر طاہرالقادری کا ساتھ دیں گے اور کسی قربانی سے دریغ نہیں کریں گے۔ مزید ...
کاپی رائٹ 1989 - 2026 پاکستان عوامی تحریک. جملہ حقوق محفوظ ہیں
