پاکستان عوامی تحریک فیصل آباد کے زیراہتمام منعقدہ بلدیاتی کنونشن سے خطاب کرتے ہوئے ڈاکٹر حسین محی الدین قادری نے کہا کہ ہم فیصل آباد میں منتخب ہونے والے پاکستان عوامی تحریک کے چیئرمینز، وائس چیئرمینز اور کونسلرز کو مبارک باد پیش کرتے ہیں۔ ہم انتخاب اور انقلاب دونوں راستوں سے جدوجہد جاری رکھیں گے۔ وہ دن دور نہیں جب ظلم کی سیاہ رات ختم ہوگی۔ اس دھرتی پر انصاف کا راج ہوگا۔ آئین اور قانون کی حکمرانی ہوگی۔ مزید ...
پاکستان عوامی تحریک کے ڈپٹی سیکرٹری جنرل خواجہ عامر فرید کوریجہ این اے 154 لودھراں میں ڈور ٹو ڈور انتخابی مہم چلا رہے ہیں۔ انہوں نے گزشتہ روز حلقہ کے مختلف مقامات پر انتخابی دفاتر کا افتتاح کیا اور انتخابی کارنر میٹنگ سے خطابات بھی کیے۔ ان کا کہنا تھا کہ عوامی تحریک اقتدار کیلئے نہیں اقدار اور عوام کے وقار کیلئے سیاسی جدوجہد کررہی ہے۔ ماڈل ٹاؤن میں بے گناہوں کا خون بہانے والے حکمران ملک و قوم سے مخلص نہیں۔ یہ عوام کا جان و مال نہیں صرف ’’مال‘‘ محفوظ کررہے ہیں۔ ناانصافی اور انتہا پسندی کے خاتمہ کیلئے عوام عوامی تحریک کو ووٹ دیں۔ لودھراں کے عوام دولت اور حکومتی غنڈہ گردی کو مسترد کردیں گے۔ ملکی مسائل کا حل ڈاکٹر طاہرالقادری کے 10 نکاتی انقلابی ایجنڈے میں ہے۔ تکبر، غرور اور دولت کے بت پاش پاش کرنے کا وقت آگیا۔ مزید ...
پاکستان عوامی تحریک کے مرکزی سیکرٹری کوآرڈینیشن ساجد محمود بھٹی نے 29 نومبر 2015 کو ضلع جھنگ کا دورہ کیا۔ دورے کے دوران وہ یونین کونسل 65 فتح پورپرٹی اور یونین کونسل 66 حسو بلیل گئے۔ دونوں حلقوں میں انہوں نے ریلیوں، عوامی اجتماعات اور کارنر میٹنگز میں شریک نوجوانوں اور بزرگوں کی بڑی تعداد سے خطاب کیا۔ اس دوران مختلف برادریوں کے افراد نے پاکستان عوامی تحریک کے امیدواران کی حمایت کا اعلان کیا۔ مزید ...
پاکستان عوامی تحریک کے قائد ڈاکٹر طاہرالقادری نے کہا کہ 40 ارب کے ٹیکسوں کے نفاذ کے فیصلہ کو آپریشن ضرب عضب اور آئی ڈی پیز کی بحالی کے ساتھ جوڑنا دہشت گردی کے خلاف جاری آپریشن کو بدنام اور بوجھ ثابت کرنے کی سازش ہے۔ معاشی دہشت گرد حکمرانوں نے اس سے قبل جو ظالمانہ ٹیکس لگائے کیا اس کی وجہ قوم کو بتائی گئی تھی؟ وہ گزشتہ روز پاکستان عوامی تحریک کی سنٹرل کور کمیٹی کے ممبران سے ٹیلیفون پر خطاب کررہے تھے۔ مزید ...
کرپشن اور لوٹ مار کرنے والے عوام کی خدمت نہیں کر سکتے، پاکستان عوامی تحریک سچائی کی سیاست کو عام کر رہی ہے۔ پاکستان عوامی تحریک کے امیدواران کامیابی کے بعد لوگوں کی خدمت عبادت سمجھ کر کریں۔ یہ بات پاکستان عوامی تحریک کے مرکزی ڈپٹی چیف آرگنائزر شہزاد حسین نقوی نے ضلع سیالکوٹ کے دورے کے دوران کہی۔ وہ کوٹلی چھمب (ڈسکہ) میں پاکستان عوامی تحریک کے ٹکٹ پر چئیرمین کے امیدوار افتخار احمد چوہدری کے انتخابی جلسہ سے خطاب کر رہے تھے۔ مزید ...
صدر پاکستان عوامی تحریک سپین محمد اقبال چوہدری کے کزن اور محمد زمان چوہدری کے بیٹے عمر زمان کی روح کے ایصال ثواب کے لیے قرآن خوانی اور دعائیہ محفل آج (28نومبر بروزہ ہفتہ) بعد نماز عصر منہاج اسلامک سنٹر بارسلونا (بڑی مسجد) میں ہو گی۔ محفل کا آغاز نماز عصر کے بعد (4بجے) ہو گا ۔یاد رہے کہ عمر زمان گزشتہ دنوں بارسلونا کے مقامی ہسپتال میں 23سال کی عمر میں انتقال کر گئے تھے ان کی تدفین ان کے آبائی گاؤں رنیاں (سرائے عالمگیر) میں ہو چکی ہے۔ مزید ...
پاکستان عوامی تحریک کے رہنما چوہدری محمد اکرم گجر نمبردار نے کہا ہے کہ جھوٹ، ظلم اور کرپشن کی سیاست کا خاتمہ کرکے عوامی خدمت کی بنیاد رکھیں گے۔ پاکستان عوامی تحریک خدمت برائے تجارت نہیں بلکہ سیاست برائے خدمت کے اصول پر میدان میں آئی ہے۔ ہم سیاست کو سنت نبوی صلی اللہ علیہ وآلہ وسلم اور عبادت سمجھ کر کرتے ہیں اور وہ دن دور نہیں جب پاکستان عوامی تحریک ہی اس ملک کی سب سے بڑی سیاسی قوت بن کر میدان میں ابھرے گی۔ مزید ...
تحریک منہاج القرآن، پاکستان عوامی تحریک، منہاج ویلفیئر فاؤنڈیشن، منہاج القرآن یوتھ لیگ اور مصطفوی سٹوڈنٹس موومنٹ کا مشترکہ اجلاس تحریک منہاج القرآن چاغی کے ضلعی دفتر میں 22 نومبر 2015 ہوا جس میں مختلف علاقائی تنظیموں کی تشکیل اور حلقاتِ درود کے قیام سمیت آئندہ لائحہ عمل پر غور کیا گیا۔ مزید ...
بیت اللحم: گذشتہ دنوں پاکستان عوامی تحریک فری سٹیٹ (جنوبی افریقہ) کے کارکنان کا اجلاس ہوا جس میں صوبہ فری سٹیٹ کی صوبائی باڈی تشکیل دی گئی۔ کارکنان کی مشاورت سے چوہدری بشارت انجم کو صدر، علی عمران تارڑ کو نائب صدر، قمرالحسن پھلروان کو سیکرٹری جنرل اور ملک بلال حسن کو سیکرٹری اطلاعات کی ذمہ داریوں کے لیے چنا گیا۔ مزید ...
تحریک منہاج القرآن اور پاکستان عوامی تحریک پی پی 182 کا تنظیمی اجلاس 08نومبر کو پتوکی میں منعقد ہوا جس میں تنظیمی عہدیداران اور کارکنان نے شرکت کی۔ اجلاس میں تحریک منہاج القرآن ضلع قصور کے امیرندیم مصطفائی، تحریک منہاج القرآن پتوکی کے صدر ڈاکٹر الیاس، ناظم تنویر حسین مصطفوی، پاکستان عوامی تحریک پتوکی کے صدر محمد طیب افضال، سیکرٹری جنرل عامر رضا، منہاج القرآن یوتھ لیگ پتوکی کے صدر ڈاکٹر محمد اکبر، ایم ایس ایم کے محمد عدنان سمیت ڈاکٹر محمد اشرف، اصغر قادری اور دیگر کارکنان نے شرکت کی۔ مزید ...
کاپی رائٹ 1989 - 2026 پاکستان عوامی تحریک. جملہ حقوق محفوظ ہیں
