لاہور: پاکستان عوامی تحریک کے سربراہ ڈاکٹر طاہرالقادری کا کہنا ہے کہ سانحہ ماڈل ٹاؤن کے خون پر سمجھوتہ نہیں کریں گے اور انصاف لینے کے لیے آخری حد تک جائیں گے۔ ایکسپریس نیوز کےمطابق ڈاکٹر طاہرالقادری نے کہا کہ پاکستانیوں کو انقلاب جھولی میں نہیں مل سکتا جبکہ میں اور عمران خان مل کر بھی اکیلے ملک میں انقلاب نہیں لاسکتے اس کے لیے جب تک قوم باہر نہ نکلے تب تک کامیابی نہیں مل سکتی۔ مزید ...
پاکستان عوامی تحریک (پی اے ٹی) نے سانحہ ماڈل ٹاؤن کے خلاف ملک بھر میں دوبارہ احتجاج کا اعلان کردیا ہے۔ عوامی تحریک نے سانحہ ماڈل ٹاؤن کے چھ ماہ مکمل ہونے پر 17 دسمبر کو ملک گیر احتجاج کا اعلان کیا تھا، جس کے تحت ماڈل ٹاؤن واقعے کی تفتیش میں تاخیر کے خلاف ریلیاں اور احتجاجی مظاہرے کیے جانے تھے۔ تاہم 16 دسمبر کو سانحہ پشاور کے بعد پی اے ٹی نے ڈاکٹر طاہرالقادری کی ہدایت پر 17 دسمبر کا ملک گیر احتجاج ملتوی کردیا تھا۔ مزید ...
ڈاکٹر محمد طاہرالقادری نے کہا ہے کہ دہشت گردی کے ایشو پر حکومت قوم کو دھوکہ دے رہی ہے، دہشت گردی کے خاتمے کے نام پر بیرونی دنیا سے فنڈز بٹورے جاتے رہے ہیں اس میں ماضی کی حکومتیں بھی شامل ہیں، فرانس کے صدر اور پوری کابینہ نے دہشت گردی کے خلاف 40 لاکھ لوگوں کی امن ریلی کی قیادت کی، پاکستانی وزیر اعظم کی غیرت کب جاگے گی ؟ سانحہ پشاور کے بعد وزیر اعظم نے قوم کو باہر نکلنے کی اپیل کیوں نہیں کی اور اسلامی دنیا کے سربراہوں کو کیوں نہیں بلایا؟ مزید ...
پاکستان عوامی تحریک کے مرکزی صدر ڈاکٹر رحیق عباسی گزشتہ روز چٹیاں ہٹیاں کے امام بارگاہ خود کش حملے میں شہید ہونے والوں کے گھر گئے، جہاں پر شہداء کے ورثاء سے اظہار تعزیت کیا اور سربراہ پاکستان عوامی تحریک ڈاکٹر طاہرالقادری کی جانب سے خصوصی تعزیتی پیغام بھی پہنچایا۔ اس موقع پر شہداء کے ایصال ثواب، زخمیوں کی جلد صحتیابی اور لواحقین کے صبر کے لئے خصوصی دعا کی گئی۔ مزید ...
ہیوسٹن: سربراہ پاکستان عوامی تحریک ڈاکٹر طاہرالقادری نے کہا ہے کہ تعلیمی اداروں کو دہشت گردی کے خطرات کے پیش نظر بند کرنا دہشت گردوں کے مقاصد کی تکمیل ہے۔ ہیوسٹن سے جاری اپنے ایک بیان میں ڈاکٹر طاہرالقادری کا کہنا تھا کہ پوری قوم دہشت گردی کے خلاف جنگ میں متحد ہے لیکن حکومت کی جانب سے تعلیمی اداروں کو بند کرنا کوئی دانش مندی نہیں ہے۔ انہوں نے کہا کہ اس طرح کے اقدامات سے دہشت گردوں کی حوصلہ افزائی ہو گی۔ مزید ...
ڈاکٹر طاہرالقادری نے کانفرنس سے خطاب کرتے ہوئے کہا کہ حضور صلی اللہ علیہ وآلہ وسلم کی سیرت تو انسانیت سے محبت ہے۔ اسلام اور سیرت مصطفی صلی اللہ علیہ وآلہ وسلم میں ظلم و تشدد کیلئے کوئی جگہ نہیں، اسلام تو مردہ انسانوں کو تکریم دیتا ہے، چاہے مسلم ہو یا غیر مسلم۔ انہوں نے کہا پشاور میں دہشت گردوں نے معصوم بچوں اور ماڈل ٹاؤن میں ریاستی دہشت گردی کے ذریعے معصوم لوگوں کو شہید کیا گیا۔ انہوں نے کہا کہ یہ فیصلے کا وقت ہے، قدم نہ لڑ کھڑائیں، اگر اب بھی دہشتگردوں کو بچانے کے راستے نکالے گئے تو پھر ملک کا اللہ ہی حافظ ہے۔ مزید ...
ڈاکٹر طاہرالقادری نے نئے سال کی آمد پر اپنے بیان اور کارکنوں کے نام پیغام میں کہا ہے کہ اللہ رب العزت سے دعا ہے کہ 2015 آپریشن ضرب عضب کی 100 فیصد کامیابی، آئی ڈی پیز کی بحافظت گھروں کو واپسی اور پاکستان ہر مذہب اور طبقہ کے افراد کیلئے امن سلامتی اور خوشحالی کا سال ثابت ہو۔ انہوں نے کہا کہ آپریشن ضرب عضب کے حقیقی ثمرات اسی وقت سامنے آئیں گے جب دہشت گردی اور انتہا پسندی کو جڑ سے کاٹا جائے گا۔ مزید ...
ڈاکٹر طاہرالقادری نے کہا کہ عسکری قیادت کو پیشگی مطلع کررہے کہ فوجی عدالتوں پر پارلیمانی اے پی سی میں اتفاق رائے کرنے والی جماعتیں اب اس پر سیاسی تماشا کرینگی، موجودہ ملکی قانون، دہشتگردی کی سیاسی عدالتیں اور پولیس سے دہشتگردوں کو تحفظ ملتا رہا ہے، موجودہ ملکی قانون کے تحت دہشت گردی ختم نہیں ہو گی، دہشتگردی کی عدالتوں کے سیاسی استعمال کا ہی نتیجہ ہے کہ آج فوجی عدالتوں کی ضرورت محسوس ہوئی، فوجی عدالتوں کے مسئلہ پر حکومت کی اپنی نیت بھی صاف نہیں اس لیے اپنے اتحادیوں سے مخالفانہ بیان دلوا رہی ہے۔ مزید ...
پاکستان عوامی تحریک کے مرکزی سیکرٹری جنرل خرم نواز گنڈاپور نے کہا ہے کہ پارلیمانی لیڈر شپ فوجی عدالتوں کے مسئلہ پر ابہام پیدا نہ کرے، دہشت گردی کی عدالتوں کے سیاسی استعمال نے فوجی عدالتوں کی ضرورت پیدا کی۔ فوجی اقتدار کا حصہ بننے والوں کو فوجی عدالتوں پر اعتراض نہیں کرنا چاہیے۔ وہ گزشتہ روز گلگت بلتستان سے آئی ہوئی رکن صوبائی اسمبلی آمنہ انصاری سے گفتگو کر رہے تھے۔ آمنہ انصاری نے پاکستان عوامی تحریک کے مرکزی سیکرٹریٹ کا دورہ کیا اور منہاج القرآن کی لائف ممبر شپ اختیار کی۔ مزید ...
گلگت بلتستان اور مالاکنڈ دیر سے آئے ہوئے وفد نے دہشتگردی کے خاتمہ اور عوام کو آئینی حقوق دلوانے کیلئے شاندار جدوجہد کرنے پرسربراہ عوامی تحریک ڈاکٹر طاہر القادری کو زبردست خراج تحسین پیش کیا اور پاکستان عوامی تحریک میں شمولیت کا اعلان کیا، خرم نواز گنڈاپور نے انہیں عوامی تحریک میں شمولیت پر انہیں خوش آمدید کہا، خرم نواز گنڈا پور نے کہا کہ یہ وقت مشاورت یا کمیٹیاں بنانے کا نہیں دہشتگردی کے خاتمہ کیلئے ٹھوس اقدامات اٹھانے کا ہے؟ مزید ...
کاپی رائٹ 1989 - 2026 پاکستان عوامی تحریک. جملہ حقوق محفوظ ہیں
