مصطفوی سٹوڈنٹس موومنٹ گجرات کے زیراہتمام بیدارئ شعور طلببہ ریلی کا انقعاد کیا گیا جس میں طلبہ کی کثیر تعداد نے شرکت کی۔ ریلی کی قیادت مصطفوی سٹوڈنٹس موومنٹ کے مرکزی صدر چوہدری عرفان یوسف نے کی۔ ریلی اندورن شہر سے ہوتی ہوئی پریس کلب گجرات پر اختتام پذیر ہوئی، اس دوران مصطفوی سٹوڈنٹس موومنٹ ڈسٹرکٹ گجرات کے عہدیداران اپنی بھرپور تقریروں سے طلباء کے جذبات کو گرماتے رہے۔ اس موقع پر مرکزی صدر چوہدری عرفان یوسف نے طلباء سے خطاب بھی کیا۔ مزید ...
پاکستان عوامی تحریک پی پی 11 کے جنرل سیکرٹری غلام علی خان نے کہا ہے کہ میٹرو بس سروس کرپشن زدہ، منظور نظرافراد کو نوازنے اور کمیشن مافیا کا منصوبہ ہے۔ ایسے منصوبے ان ممالک میں اچھے لگتے ہیں جہاں عوام کو بنیادی سہولیات میسر ہوں، جہاں تعلیم، صحت، روزگار میسر ہو۔ ان خیالات کا اظہار انہوں نے گزشتہ روز منہاج ماڈل سکول بنگش کالونی میں تقسیم انعامات کی تقریب سے خطاب کرتے ہوئے کیا۔ اس موقع پر صدر پی پی 11 عوامی تحریک مقصود عباسی، نذیر ہزاروی، ریاض محمود اور دیگر بھی موجود تھے۔ مزید ...
پاکستان عوامی تحریک تحصیل جہلم کے زیراہتمام پاکستان بچاؤ ریلی نکالی گئی جس میں سو سے زائد موٹر سائیکل سواروں نے شرکت کی۔ ریلی جادہ چوک سے شروع ہوئی اور اقبال لائبریری روڈ سے ہوتی ہوئی شاندار چوک پر اختتام پذیر ہوئی۔ ریلی میں یوتھ ونگ نے بھی بھرپور شرکت کی اور انتظامی امور بھی سنبھالے۔ اس موقع پر جناب غلام حیدر ایڈووکیٹ، رہنما پاکستان عوامی تحریک جہلم پروفیسر سلیم احمد چوہدری اور صدر پاکستان عوامی تحریک ضلع جہلم نے شرکاء سے خطاب کرتے ہوئے کہا کہ قائد اعظم محمد علی جناح کے پاکستان کا مقصد عوام کو یکساں حقوق اور انصاف کی فراہمی تھا۔ مزید ...
پاکستان عوامی تحریک اوکاڑہ کے زیراہتمام استحکام پاکستان ریلی کا انعقاد کیا گیا جس میں کارکنان کی کثیر تعداد نے شرکت کی۔ ریلی کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر شرکاء نے پلے کارڈز اٹھا رکھے تھے جس پر کرپٹ نظام کے خلاف نعرے درج تھے۔ ریلی میں پاکستان عوامی تحریک کے آرگنائزر خالد محمود، تحصیل صدر مرزا محمد ابراہیم، ضلعی امیر ٹی ایم کیو اوکاڑہ محمد حفیظ قادری، ایم ایس ایم ضلعی کوآرڈینیٹر عبدالکریم کمیانہ، ناظم فرید احمد اور میڈیا سیکرٹری شیخ گلفام علی قادری بھی شریک تھے۔ مزید ...
پاکستان عوامی تحریک کے سیکر ٹری جنرل خرم نواز گنڈا پور نے کہا ہے کہ بانی پاکستان قائد اعظم رحمۃ اللہ علیہ جیسا مخلص، درد مند اور انتھک محنت کرنے والا لیڈر میسر ہو تو کرہ ارضی پر ملک حاصل کرنا بھی ممکن ہو جاتا ہے اور اگر قیادت کا بحران رہے تو 66 سال بعد بھی ملکی بقا ہی سب سے بڑا مسئلہ رہتا ہے۔ پاکستان میں کسی بھی حکمران نے اداروں کے استحکام پر توجہ نہیں دی۔ فرد کو طاقتور اور سیاسی پارٹیوں پر مخصوص خاندانوں کی اجارہ داری قائم رکھنے پر توانائیاں خرچ کی گئیں۔ قرارداد پاکستان کا مقصد صرف علیحدہ ریاست حاصل کرنا نہ تھا بلکہ ایک ایسا آزاد اور خود مختار ملک حاصل کرنا تھا جس میں مسلمان اپنے عقائدکے مطابق اندرونی اور بیرونی دباؤ سے آزاد ہو کر عمل کر سکیں۔ مزید ...
ڈاکٹر محمد طاہر القادری نے یوم پاکستان کے موقع پر اپنے پیغام میں کہا ہے کہ آج ہم تکمیل پاکستان کی جدوجہد سے تحفظ پاکستان تک اس لئے آ گئے ہیں کہ نظریہ پاکستان کی روح کمزور ترین ہو گئی ہے۔ دہشت گردی، انتہا پسندی اور نام نہاد جمہوریت کے لبادے میں نااہل سیاستدانوں کی وجہ سے پچھلی کئی دہائیوں سے نظریہ پاکستان پر حملے ہورہے ہیں۔ آج پاکستان کی نظریاتی و جغرافیائی سرحدوں کو خطرات لاحق ہیں، آج ہر پاکستانی کو موجودہ کرپٹ نظام کے خاتمے کی جہد مسلسل کا حصہ بننے کا عہد کرنا ہو گا تا کہ ملک میں حقیقی جمہوریت کا سویرا طلوع ہو سکے۔ مزید ...
منہاج القرآن ویمن لیگ کا دو رکنی وفد 12 مارچ تا 18 مارچ 2014ء پنجاب اور خیبر پختونخواہ کی مختلف تحصیلات میں انقلاب کا پیغام لے کر گیا۔ اس وفد میں مرکزی ناظمہ منہاج القرآن ویمن لیگ محترمہ راضیہ نوید اور مرکزی ناظمہ دعوت محترمہ سیدہ نازیہ مظہر شامل تھیں۔ جن علاقوں میں پروگرام کا انعقا د کیا گیا ان میں تحصیل جہلم، دینہ، گوجرخان، دولتالہ، چکوال، کلرکہار، چوآسیدن شاہ، ہری پور، حویلیاں، ایبٹ آباد، مانسہرہ اور پشاور شامل تھے۔ ان پروگرامزمیں کارکنان کی کثیر تعداد نے شرکت کی۔ مزید ...
پاکستان عوامی تحریک مردان کے زیراہتمام تنظیمی اجلاس کا انعقاد ہوا جس کی صدارت پاکستان عوامی تحریک کے صوبائی صدر خالد درانی نے کی۔ اجلاس کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر تحریک منہاج القرآن مردان ڈویژن کے امیر پروفیسر محمد بخت زمان نےاجلاس میں خصوصی شرکت کی۔ اجلاس میں پاکستان عوامی تحریک کے عہدایداران کی تنظیم نو بھی کی گئی جس کے مطابق ڈاکٹر حمید الرحمٰن صدر، زرشاد انجم نائب صدر، میر حسن سینئر نائب صدر، ڈاکٹر طارق محمود ناظم اور فیض محمد پروپیگنڈا سیکرٹری منتخب ہوئے۔ مزید ...
مصطفوی سٹوڈنٹس موومنٹ کے زیراہتمام گورنمنٹ ڈگری کالج خانپور میں عزم انقلاب سیمینار کا انعقاد کیا گیا جس میں طلبہ کی کثیر تعداد نے شرکت کی۔ تقریب کا باقاعدہ آغاز تلاوت کلام اور نعت رسول مقبول صلی اللہ علیہ وآلہ وسلم سے ہوا۔ اس موقع پر جام جاوید ناظم تحریک خانپور، ولید ملک صدر ایم ایس ایم خانپور نے خصوصی شرکت کی۔ علاوہ ازیں ایم ایس ایم کے تحصیلی ذمہ داران بھی شریک تھے۔ سیمینار میں نئے طلبہ نے ایم ایس ایم میں شمولیت کا اعلان بھی کیا۔ مزید ...
آسٹریا کے دارالحکومت ویانا کی صوبائی حکومت کے تحت آسٹرین سوسائٹی میں مختلف مذاہب کے درمیان باہم رواداری و ہم آہنگی پیدا کرنے کے لئے ضلعی سطح پر ایک اہم اجلاس منعقد ہوا جس میں مقامی حکومت کے نمائندگان نے بطور نگران شرکت کی۔ مزید ...
کاپی رائٹ 1989 - 2026 پاکستان عوامی تحریک. جملہ حقوق محفوظ ہیں
