ہماری جنگ آئین اور قانون کے مطابق عوامی حقوق کیلئے ہے: ڈاکٹر طاہرالقادری

• 23 اگست 2014ء

انقلاب مارچ کے شرکا سے خطاب کے دوران ڈاکٹر طاہرالقادری کا کہنا تھا کہ آئین صرف اس لئے نہیں ہوتا کہ لکھ کر چھوڑ دیا جائے۔ آئین کے تحت ملک کا اقتداراعلیٰ حقیقی طور پر اللہ تعالی کے پاس ہے اور عوام اس ملک کے وارث ہیں لیکن آئین میں عوام سے کئے گئے سارے وعدے پامال کئے گئے ہیں۔ ہماری جدوجہد 100 فی صد آئینی اورقانونی ہے۔ وہ ساتھ دینے والے وکلا کی کاوشوں کو سلام پیش کرتے ہیں۔ آئین کے تحت عوام کو جو بنیادی حقوق تفویض کئے گئے ہیں لیکن اب تک انہیں ان کے حقوق نہیں مل سکے۔ مزید ...

انقلابیو! ڈٹے رہنا، فتح قریب ہے، ظالم حکمرانوں کا خاتمہ ہونیوالا ہے: ڈاکٹر طاہرالقادری

• 22 اگست 2014ء

ڈاکٹر طاہرالقادری کا کہنا تھا کہ سانحہ ماڈل ٹاؤن کے متعلق ایک نئی بات آپ کو بتانا چاہتا ہوں جو ابھی تک بیان نہیں کیا، میڈیا اور پوری قوم کو آگاہ کرنا چاہتا ہوں ایک نیا ظلم کا باب کھل رہا ہے، اور وہ یہ کہ 17 جون کو 14 قتل ہوئے 90 زخمی ہوئے، ان شہیدوں کی آّج کے دن تک FIR درج نہیں ہوئی، پھر 2 مہینے کے بعد 16 اگست کو ایڈیشنل سیشن جج لاہور کی عدالت نے فیصلہ سنایا، کہ نواز شریف اور شہباز شریف سمیت 21 افراد کے خلاف مقدمہ درج کیا جائے۔ مزید ...

سیاسی معاملات میں مداخلت عدلیہ کیلئے نقصان دہ ہے، ڈاکٹر طاہرالقادری کا عدالت میں جواب

• 22 اگست 2014ء

اسلام آباد: ممکنہ ماورائے آئین اقدام کیس میں پاکستان عوامی تحریک کے سربراہ طاہر القادری نے اپنے جواب میں کہا ہے کہ سیاسی معاملات میں مداخلت عدلیہ کے لئے نقصان دہ ہے۔ ایکسپریس نیوز کے مطابق سپریم کورٹ میں چیف جسٹس ناصر الملک کی سربراہی میں ہونے والے ممکنہ ماورائے آئین اقدام کی سماعت کے دوران عوامی تحریک کے وکیل نے طاہر القادری کی جانب سے پیش ہوئے اور کہا کہ مظاہرے اور دھرنے جمہوریت کو استحکام دیتے ہیں پٹڑی سے نہیں اتارتے۔ مزید ...

جمہوریت کا رونا رونے والے حکمران اپنا کاروبار بچانا چاہتے ہیں، ڈاکٹر طاہرالقادری

• 21 اگست 2014ء

ڈاکٹر طاہرالقادری نے کہا ہے کہ اگر ایوانوں سے کرپٹ لوگ نکال دیئے جائیں تو ملک دبئی اور سنگاپور بن سکتا ہے جب کہ حکمران جس جمہوریت کا رونا روتے ہیں اس کا مقصد صرف اپنا کاروبار بچانا ہے۔ ڈی چوک پر انقلاب مارچ کے شرکا سے خطاب کرتے ہوئے ڈاکٹر طاہرالقادری کا کہنا تھا کہ ملک میں بے شمار ذخائر موجود ہیں اگر کرپٹ لوگ نکل جائیں تو پورا پاکستان ترقی یافتہ بن سکتا ہے مگر بدقسمتی سے آج تک ایسا نہیں ہوا کیونکہ جس جمہوریت کا رونا رویا جاتا ہے وہ اقتدار کے ذریعے اپنے کاروبار کو بڑھانا ہے۔ انہوں نے کہا کہ بلوچستان میں صرف ریکوڈک میں ایک لاکھ ارب روپے مالیت کا سونا موجود ہے۔ مزید ...

جو مشکلات سے گھبرا کر جانا چاہے چلا جائے میں آپ کیلئے خود ہی گولی کھالوں گا، ڈاکٹر طاہرالقادری

• 21 اگست 2014ء

اسلام آباد: پاکستان عوامی تحریک کے سربراہ ڈاکٹر طاہرالقادری نے کہا ہے کہ انقلاب چند دنوں میں نہیں آتا جو مشکلات کے باعث جانا چاہیں چلے جائیں وہ اکیلے ہی اپنے لوگوں کے لئے گولی کھالیں گے۔ اسلام آباد میں پاکستان عوامی تحریک کے دھرنے کے شرکا سے خطاب کے دوران ڈاکٹر طاہر القادری کا کہنا تھا کہ انہیں علم ہے کہ دھرنے میں کئی لوگ بھوک اور پیاس سے نڈھال ہیں۔ مزید ...

عوامی تحریک اور حکومتی ٹیم کی ملاقات کی اندرونی کہانی سامنے آگئی

• 21 اگست 2014ء

اسلام آباد(مانیٹرنگ ڈیسک) پاکستان عوامی تحریک کے ساتھ حکومتی مذاکراتی کمیٹی کی ملاقات کی اندرونی کہانی بھی سامنے آگئی ہے۔ تفصیلات کے مطابق پاکستان عوامی تحریک کی جانب سے حکومتی کمیٹی سے تندو تیز سوالات کئے گئے تاہم کمیٹی ان سوالات کے خاطر خواہ جوابات نہ دے سکی۔ کمیٹی کے ممبران سے جب رحیق عباسی نے پو چھا کہ آپ حکومت بچانے آئے ہیں یا جمہوریت؟ تو اس پر ممبران نے خاموشی میں ہی بہتری جانی۔ مزید ...

قومی حکومت کی تشکیل تک اسلام آباد سے نہیں جائیں گے، ڈاکٹر طاہرالقادری

• 20 اگست 2014ء

ڈاکٹر طاہرالقادری نے کہا ہےکہ نوازشریف سانحہ ماڈل ٹاؤن میں برابر کے ذمہ دار ہیں وہ فوری طور پر مستعفیٰ ہوں جبکہ قومی حکومت بننے تک اسلام آباد سے بھی نہیں جائیں گے۔ ڈی چوک پہنچنے پر پارلیمنٹ ہاؤس کے سامنے دھرنے کے شرکا سے خطاب کرتے ہوئے ڈاکٹر طاہرالقادری نے کہا کہ اللہ نے آج ان مظلوموں،کمزوروں اور استحصالی نظام حکومت کے جبر میں پسے ہوئے لوگوں کی مدد کی جن کے پیاروں کو ماڈل ٹاؤن میں ریاستی دہشت گردی کے ذریعے شہید کیا گیا، شہبازشریف نے اس قتل عام کا حکم دیا جس میں نوازشریف برابر کے شریک ہیں۔ مزید ...

آج شام عوامی پارلیمنٹ جو فیصلہ کرے گی اس پر عمل کیا جائے گا، ڈاکٹر طاہرالقادری

• 18 اگست 2014ء

پاکستان عوامی تحریک کے سربراہ ڈاکٹر طاہرالقادری نے کہا ہے کہ آج شام 5 بجے دھرنے کے مقام پر عوامی پارلیمنٹ لگے گی اور وہ جو فیصلہ کرے گی اس پر عملدرآمد ہوگا۔ حکومت کو دی گئی ڈیڈ لائن ختم ہونے کے بعد دھرنے کے شرکا سے خطاب کرتے ہوئے ڈاکٹر طاہرالقادری نے کہا کہ ماڈل ٹاؤن میں لوگوں کو اذیت ناک قیدو بند کی صعوبتوں میں رکھا گیا ان پر کھانے پینے سمیت تمام ضروریات زندگی کی فراہمی بند رکھی گئی، کارکنوں سے غیر ملکی جنگی قیدیوں سے بھی بد تر سلوک کیا گیا لیکن وہ انقلاب کی جہدوجہد کی حفاظت کرتے رہے جس پر یہ تمام افراد مبارکباد کے مستحق ہیں۔ مزید ...

انقلاب مارچ، ڈاکٹرطاہرالقادری نے ملک بھر میں دھرنے دینے کا اعلان کردیا

• 18 اگست 2014ء

اسلام آباد(مانیٹرنگ ڈیسک) پاکستان عوامی تحریک کے سربراہ ڈاکٹر علامہ طاہرالقادری نے ملک بھر میں دھرنے دینے کا اعلان کردیااور کارکنان کو حکم دیاکہ خیابان سہروردی میں چاروں اطراف صفائی کردیں۔ انقلاب مارچ کے شرکاءسے خطاب کرتے ہوئے ڈاکٹرعلامہ طاہرالقادری کاکہناتھاکہ ملک میں مسلک اور نسل کے امتیاز کے بغیرکارکنان منسلک ہیں اور پیر کی شام سے ملک کے چاروں صوبوں میں دھرنے شروع ہو رہے ہیں، مزید ...

مجھ سے بڑا لینن، اسٹالن اور کارل مارکس کوئی نہیں ہے۔ ڈاکٹر طاہرالقادری

• 18 اگست 2014ء

اسلام آباد: پاکستان عوامی تحریک( پی اے ٹی) کے سربراہ ڈاکٹر طاہرالقادری نے کہا ہے کہ مجھ سے بڑا مارکس، اسٹالن اور لینن کوئی نہیں ہے میرا عربی لباس سنت کی پیروی ہے انقلاب کے بعد پاکستان میں غریبوں کی حکومت ہو گی۔ اسلام آباد میں دھرنے میں بیٹھے ہوئے کارکنوں سے خطاب میں ان کا کہنا تھا کہ وزیر اعظم اسلام آباد سے جا چکے ہیں، مزید ...