خرم نواز گنڈاپور کا اداکارعابد کشمیری کے انتقال پر اظہار افسوس

عابد کشمیری ایک ورسٹائل فنکار تھے: سیکرٹری جنرل پاکستان عوامی تحریک

لاہور (12 اکتوبر2024) سیکرٹری جنرل پاکستان عوامی تحریک خرم نواز گنڈاپورنے فلم ،ٹی وی اور سٹیج کے سینئر اداکار عابد کشمیری کے انتقال پر گہرے دکھ اور افسوس کا اظہار کرتے ہوئے کہا ہے کہ عابد کشمیری لیجنڈ اداکار تھے ان کی ڈائیلاگ ڈیلیوری کا ایک زمانہ معترف تھا۔عابد کشمیری نے اپنی جاندار اداکاری سے ڈرامہ، فلم اور سٹیج شائقین کے دلوں میں جگہ بنائی۔ فلم، ٹی وی اور سٹیج کےلئے عابد کشمیری کی خدمات کو مدتوں یاد رکھا جائے گا۔ انہوں نے کہاکہ اللہ تعالیٰ عابد کشمیری کو جوار رحمت میں جگہ عطا فرمائے اور لواحقین کو صبر جمیل کی توفیق عطا فرمائے۔

خرم نواز گنڈاپور نے کہاکہ عابد کشمیری ایک ورسٹائل فنکار تھے ان کے یادگار ٹی وی ڈرامے پرستار آج بھی نہیں بھولے۔ عابد کشمیری کے انتقال سے اداکاری کا خوبصورت دور ختم ہوا ہے۔