ڈاکٹر طاہرالقادری کی سوات میں فوجی یونٹ میں حملہ کی شدید الفاظ میں مذمت
انسانیت کے دشمن دہشتگرد دنیا وآخرت میں رسوا ہوں گے: سربراہ عوامی تحریک
شہداء کے درجات کی بلندی اور زخمیوں کی جلد صحتیابی کے لیے دعا
لاہور (3 فروری 2018) پاکستان عوامی تحریک کے سربراہ ڈاکٹر طاہرالقادری نے سوات میں فوجی یونٹ میں خودکش حملہ کی شدید الفاظ میں مذمت کرتے ہوئے کہا ہے کہ قوم کے مزیدتین بیٹے مادر وطن پر قربان ہوگئے، انہوں نے کہا کہ دہشتگردی کو جڑ سے ختم کرنے کے لیے سہولت کاروں کو کیفر کردار تک پہنچانا ہوگا۔ انہوں نے کہا کہ انسانیت کے دشمن دنیا وآخرت میں ذلیل ورسوا ہوں گے۔ دہشتگرد اور ان کے فنانسر اپنے ناپاک ارادوں میں کامیاب ہوسکے نہ آئندہ ہوسکیں گے۔
پاکستان کے محب وطن عوام اپنی افواج کی پشت پر سیسہ پلائی دیوار بن کر کھڑے ہیں، دہشتگردی کے خاتمے پر عوام، افواج پاکستان اور محب وطن جمہوری قوتیں ایک پیج پر ہیں۔ ڈاکٹر طاہرالقادری نے شہداء کے درجات کی بلندی کے لیے دعا کی اور اہل خانہ سے دلی تعزیت کا اظہار کیا۔ انہوں نے کہا کہ ملک اور قوم کے لیے جانوں کے نذرانے پیش کرنے والے افواج پاکستان کے جری اور بہادر سپوتوں کی قربانیوں پر ہمیں فخر ہے۔
تبصرہ