ڈاکٹر طاہرالقادری کی کوئٹہ بم دھماکہ کی شدید الفاظ میں مذمت
لاہور (12 اگست 2017) سربراہ عوامی تحریک ڈاکٹر محمد طاہرالقادری نے اتوار کی شب کوئٹہ میں بم دھماکے کی شدید ترین الفاظ میں مذمت کرتے ہوئے قیمتی انسانی جانوں کے ضیاع پر اظہار افسوس کیا اور بم دھماکے میں جاں بحق ہونیوالوں کیلئے مغفرت اور زخمیوں کی جلد صحتیابی کیلئے دعا کی۔
ڈاکٹر طاہرالقادری نے کہا کہ ملک دہشتگردوں کے حوالے کر کے وفاقی و صوبائی حکومتی مشینری قومی اداروں کے خلاف نکلنے والے جلوس کی سیکیورٹی پر مامور ہے؟ وزیر اعلیٰ بلوچستان صوبے کے عوام کے جان و مال کے تحفظ کی بجائے لاہور میں ایک نااہل، کرپٹ اور قاتل شخص کے استقبال میں مصروف ہیں۔ دریں اثناء پاکستان عوامی تحریک کے سیکرٹری جنرل خرم نواز گنڈا پور، بشارت جسپال، فیاض وڑائچ ، جی ایم ملک، نور اللہ صدیقی، ساجد بھٹی، جواد حامد و دیگر نے کوئٹہ دھماکے کی شدید مذمت کرتے ہوئے شہداء کیلئے مغفرت اور زخمیوں کی جلد صحتیابی کیلئے دعا کی۔
تبصرہ