ڈاکٹر طاہرالقادری کا سینیٹر مشاہد حسین سید کے والد کے انتقال پر اظہار تعزیت
لاہور (22 جون 2017) پاکستان عوامی تحریک کے سربراہ ڈاکٹر محمد طاہرالقادری نے مسلم لیگ ق کے رہنما اور سینیٹر مشاہد حسین سید کے والد کے انتقال پر گہرے دکھ اور غم کا اظہار کرتے ہوئے مرحوم کی مغفرت اور درجات کی بلندی کیلئے دعا کی ہے، انہوں نے کہا کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو یہ صدمہ برداشت کرنے کی ہمت دے۔
دریں اثناء سیکرٹری جنرل خرم نواز گنڈا پور، بشارت جسپال، فیاض وڑائچ، مرکزی سیکرٹری اطلاعات نور اللہ صدیقی، ساجد بھٹی و دیگر رہنماؤں نے مشاہد حسین سید سے انکے والد کی وفات پر اظہار افسوس کیا ہے اور انکی مغفرت کی دعا کی ہے۔
تبصرہ