عوامی تحریک کے راہنماوں کی چوہدری شجاعت حسین سے تعزیت
لاہور (10 جنوری 2017) پاکستان عوامی تحریک کے سیکرٹری جنرل خرم نواز گنڈاپور اور سیکرٹری کوارڈینیشن ساجد محمود بھٹی نے چوہدری پرویزالہی اور ق لیگ کے سربراہ چوہدری شجاعت حسین سے انکی بھانجی کے انتقال پر اظہار تعزیت کیا۔ عوامی تحریک کے دونوں راہنماء منگل کو چوہدری برادران کی رہائش گاہ پر گئے اور مرحومہ کے لیے دعائے مغفرت کی۔ اس موقع پر تعزیت کرتے ہوئے انہوں نے کہا کہ اللہ تعالی مرحومہ کے درجات بلند کرے اور سوگوار خاندان کو یہ صدمہ برداشت کرنے کی توفیق دے۔ پاکستان عوامی تحریک کے مرکزی سیکرٹری اطلاعات نور اللہ صدیقی نے بھی چوہدری شجاعت حسین کی بھانجی کے انتقال پر افسوس اور تعزیت کا اظہار کیا ہے۔
تبصرہ