اٹک دہشت گردی واقعے کی بھر پور مذمت کرتے ہیں، حکومت امن و امان قائم کرنے میں مکمل ناکام ہوچکی

دہشت گردی کی ہر قسم قابل مذمت ہے، شجاع خانزادہ اور دیگر افراد کی شہادت پر افسوس ہے۔
جنرل حمید گل کی وفات سے ملک ایک محب وطن پاکستانی سے محروم ہوگیا
مرکزی نائب ناظم اعلیٰ تنظیمات سردار شاکر مزاری، ضلعی امیر میجر محمد اقبال چغتائی اور ضلعی ناظم حاجی خلیل آہیر سمیت دیگر رہنماؤں کا اظہار افسوس

ملتان (16 اگست2015ء) تحریک منہاج القرآن کے مرکزی نائب ناظم اعلیٰ تنظیمات سردار شاکر مزاری، ضلعی امیر تحریک میجر محمد اقبال چغتائی، ضلعی ناظم حاجی خلیل احمد آہیر اور دیگر رہنماؤں مصباح اسحاق، عمر چشتی، سجاد نقشبندی، راؤ آصف رزاقی، راؤ عظمت علی اور سردار اعجاز سہو نے کہا ہے کہ حکومت امن و امان قائم کرنے میں مکمل ناکام ہوچکی ہے۔ اٹک میں صوبائی وزیر داخلہ کی رہائش گاہ پر دھماکہ قابل مذمت ہے۔ دھماکے میں شجاع خانزادہ اور دیگر افرادکی شہادت پر افسوس ہے اور ہم سوگوار خاندانوں کے غم میں برابر کے شریک ہیں۔ مگر یہ واقعہ حکومتی کارکردگی پر بھی سوالیہ نشان ہے۔ اس موقع پر رہنماؤں نے آئی ایس آئی کے سابق سربراہ جنرل حمید گل کی وفات پر بھی گہرے دکھ اور افسوس کا اظہار کیا اور کہا کہ جنرل حمید گل کی وفات سے ملک ایک محب وطن پاکستانی سے محروم ہوگیا ہے۔