کینٹ کے مکین آج آزمائے ہوئے چہرے مسترد کر دیں گے: بریگیڈیر مشتاق
حکمرانوں نے عوام کو کچھ نہیں دیا، قوم کی منظریں ڈاکٹر طاہرالقادری
پر ہیں
بلدیاتی انتخابات میں پاکستان عوامی تحریک بڑی سیاسی قوت کے طور پر سامنے آئے گی
دھن، دھونس اور دھاندلی ن لیگ کے انتخابی نشان، لوڈشیڈنگ سے نجات دلانے کیلئے حکمرانوں
کو گھر بھیجنا ہوگا
آج فیصلہ ہوجائے گا کہ مک مکا کی سیاست کرنے والوں کا انجام قریب ہے
اسلام
آباد (24 اپریل 2015ء) پاکستان عوامی تحریک شمالی پنجاب کے صدر بریگیڈیر مشتاق، ڈویژنل
کوآرڈینیٹر ملک افضل، ضلعی صدر نعیم سلطان کیانی نے کہا ہے کہ کینٹ کے مکین آج آزمائے
ہوئے چہرے مسترد کر دیں گے۔ خوف خدا سے محروم، کرپٹ اور قاتل حکمران کبھی بھی لوگوں
کے مسائل حل نہیں کرسکتے۔ بلدیاتی اور جلد ہونے والے قومی انتخابات میں پاکستان عوامی
تحریک بڑی سیاسی قوت کے طور پر سامنے آئے گی۔ حکمرانوں نے عوام کو کچھ نہیں دیا اس
لئے قوم کی نظریں ڈاکٹر طاہرالقادری پر ہیں۔ عوام ملک کو ترقی یافتہ اور پرامن بنانے
کیلئے PAT کے امیدواروں کو ووٹ دیں، ڈاکٹر طاہر القادری کے 10 نکاتی ایجنڈے کی روشنی
میں ملک کو خوشحال بنائیں گے۔ حکمران اپنا اقتدار مضبوط کرنے کی آڑ میں ملک اور قومی
اداروں کو مسلسل کمزور کر رہے ہیں۔ دھن، دھونس اور دھاندلی ن لیگ کے انتخابی نشان ہیں۔
شریف برادران پچھلے 30 برس سے نظریہ ضرورت کے تحت فیصلے کرتے آ رہے ہیں۔
پاکستان عوامی تحریک اقتدار میں آ کر صحیح معنوں میں ملک و قوم کی خدمت کرے گی۔ اقربا پروری، ناانصافی اور کرپشن کا خاتمہ کریں گے۔ ان خیالات کا اظہار انہوں نے پاکستان عوامی تحریک کینٹ کے امیدواراں کے پولنگ ایجنٹس سے ملاقات میں گفتگو کرتے ہوئے کیا۔ اس موقع پر ماجد مہربان قریشی، غلام ربانی، محمد امین، زاہد سرورقادری، کینٹ کے عہدیداران و کارکنان اور پولنگ ایجنٹس موجود تھے۔
عوامی تحریک کے رہنماؤں نے کہا کہ عوامی تحریک کے امیدوارعوامی خدمت کے جذبے سے الیکشن لڑیں، انتخابی نتائج کی پرواہ کیے بغیر مستقل بنیادوں پر عوامی رابطہ مضبوط اور عوامی مسائل کو ترجیح دیں۔ انہوں نے کہا کہ حکمرانوں کی بیڈ گورننس بڑی آفت سے کم نہیں۔ قوم کو لوڈ شیڈنگ سمیت دیگر مسائل سے نجات دلانے کیلئے کرپٹ حکمرانوں کو گھر بھیجنا ہوگا۔ پنجاب حکومت کے ناقص اور غیر معیاری ترقیاتی منصوبے عوام اور خزانے پر بوجھ ہیں۔ عوام ن لیگ کو مسترد کر کے حکمرانوں کے اقتدار کو ہمیشہ کیلئے ختم کردیں گے۔ روشن پاکستان تشکیل دینے کیلئے ڈاکٹر طاہرالقادری کے 10 نکاتی ایجنڈے پر عمل کرنا ہوگا۔ ایک طرف تو حکومت کی ناقص پالیسیوں کی وجہ سے کسانوں کا استحصال ہو رہا ہے جبکہ دو سری طرف 18، 18گھنٹے کی لوڈشیڈنگ نے حواس باختہ کر دیا ہے۔ آج فیصلہ ہو جائے گا کہ مک مکا کی سیاست کرنے والوں کا انجام قریب ہے۔ مسلم لیگ ن نے سیاست میں تشدد اور توہین کا کلچر متعارف کروایا، شہداء ماڈل ٹاؤن کا قصاص لیں گے، حکمران قاتل ہیں اور انکا ٹھکانہ جیل ہوگا۔
تبصرہ