ڈاکٹر طاہرالقادری کی ہدایت پر عوامی تحریک کی تنظیم نو کا آغاز
چاروں صوبوں کو تین تین زون میں تقسیم کیا جائے گا، ہر زون کا
الگ سیکرٹریٹ ہو گا
پہلے مرحلہ میں پنجاب میں تنظیم نو ہو گی، 17 اپریل سنٹرل 19 اپریل اپر اور 26
اپریل کو جنوبی پنجاب کی تنظیم سازی ہو گی
تنظیم نو کیلئے میاں ساجد پرویز کی سربراہی میں 6 رکنی کمیٹی قائم
لاہور
(16 اپریل 2015) پاکستان عوامی تحریک کے سربراہ ڈاکٹر طاہرالقادری کی ہدایات
کی روشنی میں عوامی تحریک کی ملک بھر میں تنظیم نو کا آغاز کر دیا گیا ہے، چاروں
صوبوں کو تین تین زونوں میں تقسیم کیا جائے گا اور ہر زون کا اپنا الگ سیکرٹریٹ ہو
گا۔ پہلے مرحلہ میں پنجاب میں تنظیم سازی ہو گی۔ میاں ساجد پرویز کی سربراہی میں 6
رکنی ریویو کمیٹی قائم کر دی گئی ہے جس کے دیگر ممبران میں محمد حنیف مصطفوی، ساجد
محمود بھٹی، میاں عبدالقادر، مشتاق احمد نوناری ایڈووکیٹ، عائشہ شبیر شامل ہیں۔ 17
اپریل کو (آج) سنٹرل پنجاب کی تنظیم سازی ہو گی جس میں لاہور، گوجرانوالہ، ساہیوال،
فیصل آباد کے ڈویژن شامل ہیں 19اپریل کو اپر پنجاب کی تنظیم نو ہو گی جسمیں
راولپنڈی، سرگودھا ڈویژن شامل ہیں۔ 26 اپریل کو جنوبی پنجاب کی تنظیم سازی ہو گی جس
میں ملتان، بہاولپور، ڈی جی خان کے ڈویژن شامل ہیں۔ تنظیم سازی کے جملہ اجلاسوں میں
عوامی تحریک کے تمام تحصیلی، ضلعی، ڈویژنل اور صوبائی عہدیداران شریک ہونگے۔
تبصرہ