بارسلونا کی ممتاز سماجی شخصیت چوہدری طارق مہدی گجر کی پاکستان عوامی تحریک میں شمولیت

سپین (APNA انٹرنیشنل/ بیورو چیف) بارسلونا بیورو اور مرکزی آفس برلن MCB یورپ کے مطابق گذشتہ دنوں سپین کے دارالحکومت بارسلونا کی ممتاز، سماجی شخصیت، صدر اینٹی کرائسز ایسوسی ایشن، چوہدری طارق مہدی گجر نے منہاج القرآن انٹرنیشنل سپین کے مرکز میں تشریف لاکر پاکستان عوامی تحریک میں شمولیت کا اعلان کیا۔ میڈیا سیکرٹری، منہاج القرآن انٹرنیشنل سپین محمد وقاص راجہ کی رپورٹ کے مطابق چوہدری طارق مہدی گجر نے گزشتہ دنوں پاکستان عوامی تحریک سپین کے صدر محمد اقبال چوہدری اور منہاج القرآن انٹرنیشنل سپین کے نائب صدر نوید احمد اندلسی سے ملاقات کے دوران پاکستان عوامی تحریک میں باقاعدہ طور پر شامل ہونے کا اعلان کرتے ہوئے کہا کہ ’’میں عرصہ دراز سے پاکستان میں کرپٹ نظام کے خاتمے، حقیقی جمہوریت کے قیام اور ملک کو صحیح معنوں میں اسلامی فلاحی ریاست بنانے کیلئے ایک حقیقی رہنما کی تلاش میں تھا، جو مجھے ڈاکٹر طاہرالقادری کی صورت میں مل گیا۔ میں ان کے پیش کردہ ویژن کا حامی ہوں اور سپین میں پاکستان عوامی تحریک کے فعال ہونے کے موقع پر اس کا حصہ بننے کا اعلان کر رہا ہوں۔ میں ڈاکٹر طاہرالقادری کے ویژن کو سپین کے ہر پاکستانی تک پہنچانے کے لئے صدر PAT سپین، محمد اقبال چوہدری اور پاکستان عوامی تحریک سپین کے دیگر رہنماؤں کے شانہ بشانہ کام کروں گا۔‘‘ اس موقع پر منہاج القرآن انٹرنیشنل سپین کے سرپرست محمد نواز کیانی، مرکزی صدر محمد اکرم بیگ، سیکرٹری جنرل محمد بلال اور دیگر رہنماؤں نے چوہدری طارق مہدی گجر کو PAT میں شامل ہونے پر خوش آمدید کہا اورامید ظاہر کی کہ انکی شمولیت سے PAT سپین کی ساکھ میں اضافہ ہوگا۔