ڈاکٹر طاہرالقادری کی جدوجہد غریبوں کا مقدر بدلنے کے لئے ہے: احسان اللہ ایڈووکیٹ
اسلام آباد کے ہر درد مند شہری سے اپیل کی کہ پاکستان بچانے کے
لئے عوامی تحریک کاحصہ بن جائے
عوامی تحریک F8 کے زیراہتمام قائد ڈے کی تقریب سے خطاب
پاکستان عوامی تحریک لائرز ونگ اسلام آباد کے صدر احسان اللہ ایڈووکیٹ نے کہا ہے کہ ڈاکٹر طاہرالقادری نے عالم کفر میں اسلام کی حقیقی ترجمانی کر کے مسلمانوں پر دہشت گردی کے لگنے والے الزام کے خاتمے اور اسلام کے امن پسند ہونے کو اجاگر کیا ہے اور دنیا پر واضح کیا ہے کہ مسلمان دہشت گرد نہیں بلکہ امن پسند اور صبر کرنے والے ہیں۔ ان خیالات کا اظہار انہوں نے گزشتہ روز عوامی تحریک ایف ایٹ کے زیراہتمام قائد ڈے کی تقریب سے خطاب کرتے ہوئے کیا۔ تقریب کی صدارت ضلعی صدر ابرار رضا ایڈووکیٹ نے کی، اس کے علاوہ عرفان طاہر، میاں زبیر، الیاس قیصر ایڈووکیٹ، عامر بلا، ارشد شوکت بھٹی، احمد رضا، مبین احمد، احسن قریشی اور دیگر نے شرکت کی۔
عوامی تحریک کے رہنماؤں نے کہا کہ ڈاکٹر طاہرالقادری نے عالمی سطح پر خدمات سر انجام دینے اور اسلام اور پاکستان کا مورال بلند کرنے کے ساتھ ساتھ پاکستان میں عوام کو آئین و قانون کا شعور دے کر ایک نیا ولولہ اور جذبہ عطا کیا ہے، ڈاکٹر طاہرالقادری کی جدوجہد غریبوں کا مقدر بدلنے کے لئے ہے۔ ملک کے ہر طبقے کو پاکستان عوامی تحریک کا حصہ بن کر وطن عزیز سے ظلم، ناانصافی، بے روزگاری اور دہشت گردی کے خاتمے کے لئے اپنا کردار ادا کرنا ہوگا۔ انہوں نے اسلام آباد کے ہر درد مند شہری سے اپیل کی کہ پاکستان بچانے کے لئے عوامی تحریک کا حصہ بن جائے۔ اس موقع پر سانحہ ماڈل ٹاؤن، آرمی پبلک سکول، شکارپور، پولیس لائن لاہور، حیات آباد پشاور اور شکریال اسلام آباد میں خود کش حملوں میں شہید ہونے والوں کی بلندئ درجات اور ڈاکٹر طاہرالقادری کی جلد صحت یابی اور درازی عمرکے لئے خصوصی دعا کی گئی۔
تبصرہ