90 روزہ عرفان القرآن کورس منہاج القرآن سیکرٹریٹ ماڈل ٹاؤن لاہور میں شروع ہوگیا

کورس کا مقصد قرآن مجید کو درست انداز میں پڑھنے کے ساتھ ترجمہ کی صلاحیت بھی پیدا کرنا ہے

لاہور (25 فروری 2017) تحریک منہاج القرآن کی نظامت تربیت کے تحت طلباء و طالبات کیلئے 90 روزہ عرفان القرآن کورس مرکزی سیکرٹریٹ ماڈل ٹاؤن میں شروع ہو چکا ہے ۔ معروف مذہبی سکالر حافظ محمد سعید رضا بغدادی کی زیر نگرانی کورس میں قرآن مجید پڑھنا، تجوید و قرآت عملی مشقیں تفسیر و اصول تفسیر ، حدیث و اصول حدیث، عربی گرامر، عقائد اسلامی کا منتخب نصاب جدید سائنسی طریقہ کار کو بروئے کار لاتے ہوئے پڑھایا جا رہا ہے۔ عرفان القرآن کورس کا مقصد قرآن مجید کو درست انداز میں پڑھنے کے ساتھ ترجمہ کی صلاحیت بھی پیدا کرنا ہے تاکہ معاشرے میں قرآن سے ٹوٹے اور کمزور پڑنے والے تعلق کو بحال اور مضبوط کیا جا سکے۔