منہاج القرآن علماء کونسل کی ’’ تحدیث نعمت کانفرنس‘‘ آج ہو گی

علماء مشائخ مذہبی، سیاسی، سماجی رہنما شرکت کریں گے

لاہور (23 فروری 2017) منہاج القرآن علماء کونسل کے زیر اہتمام آج 23 فروری جمعرات کو تحریک منہاج القرآن کے بانی و سرپرست اعلیٰ ڈاکٹر محمد طاہرالقادری کی علمی، تحقیقی، فکری اور امن عالم کیلئے عملی خدمات پر بعنوان’’ تحدیث نعمت کانفرنس‘‘ جامعہ ام اشرف یوحنا آباد فیروز پور روڈ میں منعقد ہو گی۔ کانفرنس کے مہمان خصوصی چیئرمین سپریم کونسل منہاج القرآن انٹرنیشنل ڈاکٹر حسن محی الدین القادری ہونگے۔

پیر خواجہ غلام قطب الدین فریدی، پیر عاشق اللہ سیفی، پیر شفاعت رسول، پیر طاہر زنجانی، علامہ عبد الخالق شہزاد، مفتی نعیم جاوید نوری، علامہ امداد اللہ قادری، صدر منہاج القرآن علماء کونسل علامہ سید فرحت حسین شاہ، نائب ناظم علامہ میر آصف اکبر، ڈاکٹر مسعود احمد مجاہد، علامہ مفتی خلیل حنفی کے علاوہ دیگر مذہبی، سیاسی، سماجی رہنماء شرکت کرینگے۔