عمران خان کے کنٹینر پر فائرنگ کی شدید الفاظ میں مذمت کرتے ہیں: خرم نواز گنڈاپور

لاہور (3 نومبر 2022) پاکستان عوامی تحریک کے سیکرٹری جنرل خرم نواز گنڈاپور نے عمران خان کے لانگ مارچ کے موقع پر ان کے کنٹینر پر فائرنگ کے واقعہ کی شدید الفاظ میں مذمت کی ہے، انہوں نے کہا کہ یہ سن کر افسوس ہوا ہے کہ فائرنگ کے اس واقعہ میں عمران خان اور ان کی جماعت کے دیگر قائدین زخمی ہوئے ہیں۔ انہوں نے کہا کہ ہم عمران خان سمیت زخمیوں کی جلد صحتیابی کیلئے دعا گو ہیں۔ فائرنگ کے اس واقعہ میں ایک شہری کے جاں بحق ہونے کی اطلاعات بھی ہیں، انہوں نے کہا کہ واقعہ کی مکمل انکوائری ہونی چاہیے، پاکستان ایسے واقعات کا متحمل نہیں ہو سکتا۔عوام کے جان و مال کے تحفظ پر کوئی دقیقہ فروگزاشت نہیں ہونا چاہیے۔