پاکستان عوامی تحریک کراچی کا مشاورتی اجلاس

پاکستان عوامی تحریک کراچی سندھ کی تنظیم نو کے بعد پہلا مشاورتی اجلاس 11 نومبر 2017ء کو پارٹی صدر مشتاق صدیقی کی صدارت میں منعقد ہوا۔ مشاورتی اجلاس میںPAT کے قائدین قیصر اقبال قادری، شہزاد میرٹھی، لیاقت حسین کاظمی، عبد الواحد قاسمانی، اطہر جاوید یقی، الیاس مغل، عدنان رؤوف انقلابی، ثاقب نوشاہی، شفقت شیخ، بشیر خان مروت، رائو محمد طیب کے علاوہ پاکستان عوامی تحریک کراچی سندھ کے سابق قائدین، ضلعی، ٹائونز، یوسیز اور وارڈ کے قائدین نے شرکت کی ۔

اجلاس میں بریفنگ دیتے ہوئے جنرل سیکرٹری پاکستان عوامی تحریک راؤ کامران محمود نے کہا کہ جب تک تبدیلی کی قوتیں آگے نہیں بڑھیں گے تو چور لیٹرے ہی ملک کو لوٹتے رہیں گے۔ پاکستان عوامی تحریک محب وطن قوتوں کے ساتھ مل کر کرپٹ حکمرانوں کے راستے روکے گی۔ انہوں نے مطالبہ کیا جب تک انتخابی عمل میں حقیقی اصلاح نہیں ہو گی انتخابات شفاف نہیں ہو سکتے، لہذا احتساب، اصلاحات کے بعد انتخابات کرائے جائیں ورنہ وہی کرپٹ اگلے ستر سال ملک و ملت کو لوٹتے رہیں گے۔

اجلاس میں فیصلہ کیا گیا تنظیم نو کے بعد پاکستان عوامی تحریک کو از سر نو تنظیمی سیٹ اپ میں صوبائی تنظیم کے بعد ضلعی، پی ایس، یوسیز اور وارڈ میں منظم کیا جائے گا اور منظم ورکنگ پلان کے ساتھ ممبر سازی مہم کا آغاز بہت جلد کیا جائے گا۔ جدید طریقے سے عوام تک رسائی کو یقینی بناتے ہوئے پانچ لاکھ لوگوں کو پاکستان عوامی تحریک کا ممبر بنایا جائے گا۔ اجلاس میں کراچی کے مسائل پر، پانی کی عدم دستیابی، کچرے کے انبار، سڑکوں کی ٹوٹ پھوٹ، کے الیکٹرک کی لوٹ مار پر سخت تشویش کا اظہار کیا گیا اور متعلقہ اداروں کو نوٹس لینے کا مطالبہ کیا گیا۔