عوامی تحریک کی سابق ایرانی صدر آیت اللہ علی اکبر ہاشمی رفسنجانی کی وفات پر تعزیت
پاکستان عوامی تحریک کے سیکرٹری جنرل خرم نواز گنڈاپور اور ڈائریکٹر انٹرفیتھ ریلیشنز سہیل احمد رضا نے 14 جنوری 2017ء کو لاہور میں ایرانی قونصلیٹ جنرل آغا محمد حسین بنی اسدی سے سابق صدر آیت اللہ علی اکبر ہاشمی رفسنجانی کی وفات پر تعزیت کی۔ خرم نواز گنڈا پور نے ملاقات میں گفتگو کرتے ہوئے مرحوم صدر کی عالمی سطح پر امت مسلمہ کے اتحاد کیلئے کی گئی کاوشوں کو سراہا اور کہا کہ سابق صدر نے ایران کی ترقی، عوام کی خوشحالی اور ہمسایہ ممالک کے ساتھ پرجوش تعلقات استوار رکھنے میں اپنا بہترین سفارتی کردار ادا کیا۔
انہوں نے کہا کہ ایران کے سابق صدر نے انقلاب ایران کے بعد عالمی سطح پر درپیش مسائل اور چیلنجز کا حکمت اور دانائی کے ساتھ سامنا کیا۔ پاکستانی قوم انکی وفات پر ایرانی بھائیوں کے ساتھ دکھ میں برابر کی شریک ہے ۔ایرانی قونصل جنرل محمد حسین بنی اسدی نے وفد کا شکریہ ادا کیا، اس موقع پر پاک ایران تعلقات بالخصوص علاقائی سطح پر رونما ہونے والے جغرافیائی مسائل اور اقتصادی چیلنجز پر تبادلہ خیال کیا گیا۔ آخر میں خرم نواز گنڈاپور اور سہیل احمد رضا نے تعزیتی کتاب میں منہاج القرآن انٹرنیشنل کے قائد ڈاکٹر طاہرالقادری کی جانب سے تعزیتی کلمات بھی قلمبند کئے۔
تبصرہ