اسلام آباد: پاکستان عوامی تحریک کے ڈپٹی چیف آرگنائزر کی ایرانی سفیر مہدی ہنر دوست سے ملاقات
پاکستان عوامی تحریک کے مرکزی ڈپٹی چیف آرگنائزر شہزاد حسین نقوی نے اسلام آباد میں اسلامی جمہوریہ ایران کے نئے تعینات ہونے والے سفیر مہدی ہنر دوست سے ملاقات کی۔ شہزاد حسین نقوی نے مہدی ہنرمند کو پاکستان میں تعیناتی پر مبارکباد پیس کی اور انہیں خوش آمدید کہتے ہوئے شیخ الاسلام ڈاکٹر محمد طاہرالقادری کی طرف سے نیک خواہشات کا پیغام اور پھولوں کا گلدستہ پیش کیا۔ شہزاد حسین نقوی نے مہدی ہنر دوست کو شیخ الاسلام ڈاکٹر محمد طاہرالقادری کی مختلف دینی کتب کا سیٹ اور دہشت گردی کے خلاف جاری کردہ فتویٰ کی کاپی پیش کی۔ ایرانی سفیر نے شیخ الاسلام ڈاکٹر محمد طاہرالقادری کی خدمات کو خراج تحسین پیش کرتے ہوئے کہا کہ ایران عالم اسلام کو متحد دیکھنا چاہتا ہے۔ ہمارے نزدیک عالم اسلام کی فتح و کامرانی اتحاد امت میں مضمر ہے۔ پاکستان ایک اہم جغرافیائی ملک ہے، ایران اور پاکستان کے برادرانہ تعلقات بڑی اہمیت کے حامل ہیں۔ پاکستان اور ایران کے تعلقات کو اقتصادی، ثقافتی اور علمی بنیادوں پر مزید مستحکم بنائیں گے۔
تبصرہ