گلگت: صدر پاکستان عوامی تحریک کی اسماعیلی راہنماؤں سے ملاقات، سانحہ صفورہ پر اظہار تعزیت

پاکستان عوامی تحریک کے مرکزی صدر ڈاکٹر رحیق احمد عباسی اور سیکرٹری کوآرڈینیشن ساجد محمود بھٹی نے گلگت میں اسماعیلی راہنماؤں سے ملاقات کی، جس میں انہوں نے سانحہ صفورہ چورنگی میں پرامن اسماعیلی کمیونیٹی کی قتل و غارتگری پر گہرے دکھ اور غم کا اظہار کیا۔

سانحہ صفورہ کی دہشت گردی کے خلاف اسماعیلی کمیونٹی کی ریلی سے خطاب کرتے ہوئے ڈاکٹر رحیق عباسی کا کہنا تھا کہ پاکستان عوامی تحریک مشکل کی اس گھڑی میں اسماعیلی کمیونٹی کے ساتھ ہے۔ انہوں نے کہا کہ موجودہ نظام دہشت گردی کے خاتمے اور معصوم لوگوں کے جان و مال کو تحفظ دینے میں ناکام ہے، اسے جڑ سے اکھاڑ پھینکنا ملک و قوم کے مفاد میں ہے۔