لاہور: کنٹونمنٹ بورڈز الیکشن، ساجد محمود بھٹی کا وارڈ 5، 6 اور 7 کا دورہ

25 اپریل کو ہونے والےکنٹونمنٹ بورڈز کے بلدیاتی انتخابات کے لیے پاکستان عوامی تحریک کی الیکشن مہم بھرپور طریقے سے جاری ہے۔ اس سلسلے میں پی اے ٹی کے سیکرٹری کوآرڈینیشن ساجد محمود بھٹی نے لاہور کینٹ کا دورہ کیا، حلقہ 5، 6 اور 7 میں پاکستان عوامی تحریک کی ریلی اور انتخابی مہم میں شرکت کی۔ حلقہ 5 میں سجاد خان، حلقہ 6 میں شہباز بٹ اور حلقہ 7 میں چوہدری ارشد پاکستان عوامی تحریک امیدوار ہیں۔

والٹن اور کوڑے پنڈ میں ہونے والے بڑے انتخابی جلسوں میں علاقہ کی معروف شخصیات محمد علی اور سہیل فاروقی نے پاکستان عوامی تحریک میں شرکت کی اور مختلف برادریوں نے پاکستان عوامی تحریک کے امیدواروں کی حمایت کا اعلان کیا۔ ان جلسوں میں عوام کی بڑی تعداد سے شعیب طاہر، لطیف مدنی، بلال منصور علوی اور ساجد بھٹی نے خطاب کیا۔ مقررین کا کہنا تھا کہ پاکستان عوامی تحریک اور اس کی قیادت نے بیدارئ شعور کی اہم ذمہ داری نبھائی ہے، اور اس جلسہ میں عوام کے بھرپور شرکت اس بات کا اظہار ہے کہ قوم اب کھرے اور کھوٹے کے فرق کو سمجھ چکی ہے۔ پاکستان عوامی تحریک بلدیاتی اور عوام الیکشن میں حصہ لے گی اور اس ظالمانہ نظام کو بدل کر عوامی انقلاب بپا کرے گی۔