راولپنڈی: پاکستان عوامی تحریک کا انتخابی مہم کے لیے کمیٹیوں کا قیام
وارڈ نمبر 7 راولپنڈی کینٹ کے عوامی تحریک کے امیدوار غلام ربانی انتخابی دفتر میں الیکشن کمپین کے لئے کمیٹیوں کے قیام کے موقع پر غلام ربانی، غلام علی خان، حاجی ظہیر الزماں اور دیگر نے شرکت کی، غلام علی خان نے کہا کہ ہم میں سے ہر ایک کو ڈاکٹر طاہرالقادری کا نمائندہ بن کر میدان میں نکلنے کی ضرورت ہے۔ غلام ربانی نے وقت کے فرعونوں کے خلاف نعرہ حق بلند کیا ہے، انہوں نے کہا کہ ہمارے لئے ہر دن اہم ہے، الیکشن کمپین میں ہر گھر تک عوامی تحریک کا انقلابی پیغام پہنچایا جائے۔ انہوں نے کہا کہ ڈاکٹر طاہرالقادری کا دس نکاتی عوامی فلاحی ایجنڈا ہماری کمپین کا مرکزی نقطہ ہوگا۔ کامیابی غلام ربانی اور ماجد مہربان قریشی کا مقدر بنے گی۔ کامیابی کے بعد عوامی خدمت عوامی تحریک کے نمائندوں کا نصب العین ہوگا۔
تبصرہ