پاکستان عوامی تحریک سپین کے نومنتخب عہدیداران کی تقریب حلف برداری
پاکستان عوامی تحریک سپین کے نومنتخب عہدیداران نے چوہدری اقبال
کی قیادت میں حلف اٹھا لیا
چوہدری طارق مہدی گجر نے نائب صدر، امتیاز احمد آکیہ چیف آرگنائزر اور محمد یوسف چوہدری
نے سیکرٹری میڈیا کی حیثیت سے حلف اٹھایا
حلف برداری کیلئے بارسلونا میں ایک بڑی تقریب کا انعقاد، ڈاکٹر رحیق احمد عباسی کی
خصوصی شرکت
پاکستان عوامی تحریک سپین کے نومنتخب عہدیداران نے چوہدری اقبال کی قیادت میں حلف اٹھا لیا، حلف برداری کیلئے 14 مارچ 2015ء کو بارسلونا میں ایک بڑی تقریب کا انعقادکیا گیا جس میں پاکستان عوامی تحریک کے مرکزی صدر ڈاکٹر رحیق احمد عباسی نے خصوصی شرکت کی، تقریب کے لیے بارسلونا شہر میں واقع کاسہ دیل مار کے خوبصورت ہال کا انتخاب کیا گیا، نو منتخب عہدیداران میں پاکستان عوامی تحریک کے صدر چوہدری محمد اقبال، نائب صدر چوہدری طارق مہدی گجر، سیکرٹری جنرل راحیل اکرم ایڈووکیٹ، چیف آرگنائزر چوہدری امتیاز آکیہ، ڈپٹی چیف آرگنائزر حاجی طاہر جاوید، جوائنٹ سیکرٹری عمران آفتاب، ڈپٹی سیکرٹری اطلاعات حسن طاہر بیگہ، سیکرٹری اطلاعات محمد یوسف چوہدری، ڈپٹی سیکرٹری محمد بلال سرور، سیکرٹری کوآرڈینیشن چوہدری محمد افضال گوندل، ایگزیکٹو ممبر چوہدری شرافت علی، سیکرٹری فنانس چوہدری محمد زمان، سیکرٹری ممبر شپ قدیر حسین چوہدری اور سیکرٹری سوشل میڈیا رضوان کاظمی شامل ہیں۔
یاد رہے کہ PAT کے قائد ڈاکٹر محمد طاہرالقادری کی جانب سے پاکستان عوامی تحریک کی صدارت کیلئے چوہدری محمد اقبال کو نامزد کرنے کے بعد منہاج القرآن انٹرنیشنل سپین کے انتہائی اہم فورم منہاج مصالحتی کونسل کی صدارت کا عہدہ خالی ہو گیا تھا جس کیلئے پاکستان عوامی تحریک کے نامزد سینئر نائب صدر چوہدری امانت حسین مہر کو MQI سپین کے صدر مرزا محمد اکرم بیگ نے سینئر ممبران کی مشاورت کے بعد منہاج مصالحتی کونسل کا صدر نامزد کردیا ہے جس کی باضابطہ منظوری منہاج القرآن انٹرنیشنل سپین کی نیشنل ایگزیکٹو کونسل کے آئندہ اجلاس میں دی جائے گی۔
تبصرہ