پیرس: ’’تقریب حلف برداری‘‘ پاکستان عوامی تحریک فرانس

(اے کے راؤ) پاکستان عوامی تحریک فرانس کی حلف برداری کی تقریب پیرس کے مضافات فرانس کے ساؤتھ آل لاکورنیؤ میں منعقد ہوئی، اس تقریب کے مہمان خصوصی ڈاکٹر رحیق احمد عباسی مرکزی صدر پاکستان عوامی تحریک تھے، جبکہ مقامی میئر Gilles Paux، امیدوار برائے ڈیپارٹمنٹل الیکشن، جائنٹ میئر Seyfiddine اور Cadays-Delhome نے بھی تقریب میں شرکت کی۔ پروگرام کا آغاز قاری صدیق کی تلاوت کلام مجید سے ہوا جبکہ نظامت کے فرائض ڈپٹی سیکرٹری قاری طاہر عباس اور فرنچ میں قاضی ہارون نے سرانجام دیئے۔ تقریب میں دونوں ممالک کے قومی ترانے بجائے بھی گئے۔ پاکستان عوامی تحریک فرانس کی مرکزی اور علاقائی تنظیموں کے عہدداران و وابستگان، معززین پیرس، سیاسی و مزہبی شخصیات کے علاوہ پاکستان تحریک انصاف فرانس، پاکستان مسلم لیگ ’’ق‘‘ اور پاکستان پیپلز پارٹی فرانس کے وفود کے علاوہ پاکستان عوامی تحریک سپین، اٹلی اور جرمنی نے بھی اس تقریب میں شرکت کی۔

تقریب میں پاکستان میں دہشت گردی کا شکار ہونے والے خصوصا ’’یوحنا آباد‘‘ کے حالیہ وقع میں دہشت گردی کی بھینٹ چڑھنے والے بے گناہ افراد کے لیے ایک منٹ کی خاموشی اختیار کی گئی۔

صدر پاکستان عوامی تحریک فرانس و یورپ حاجی محمد اسلم چوہدری آنے والے مہمانوں کو خوش آمدید کہا اور اپنے آئندہ کے لائحہ عمل کا اعلان کرتے ہوئے یورپ بھر میں پاکستان عوامی تحریک کے چھوٹے انتظامی یونٹس کے قیام کا اعلان کیا۔ انہوں نے یورپ بھر کے تمام محب وطنوں کو پاکستان کی بقاء کے لیے ساتھ لے کر چلنے کا اندیہ دیا۔ انہوں نے ایونٹ آرگنائز کرنے پر سلیمان اسلم اور فیصل چوہدری کی انتھک محنت کی بھی تعریف کی۔

اس موقع پر ڈاکٹر رحیق عباسی صدر پاکستان عوامی تحریک نے اپنے خطاب میں کہا کہ دہشت گردی کے خلاف سب سے مؤثر آواز ڈاکٹر طاہرالقادری نے اٹھائی اور اپنی تحریرو تقریر سے پوری دنیا میں ثابت کردیا کہ دہشت گردی کا اسلام اور مسلمانوں کے ساتھ کوئی تعلق نہ ہے نہ تھا اور نہ ہوسکتا ہے۔ انہوں نے کہا کہ ڈاکٹر طاہرالقادری کی علمی، فکری، اسلامی خدمات کا احاطہ کرنا مشکل ہے۔ قوم کو علمی، فکری شعور دینے کے ساتھ ساتھ آئین اور حقوق کا شعور دینے میں بھی ڈاکٹر طاہرالقادری نے اپنا کردار ادا کیا۔ ڈاکٹر طاہرالقادری کی جدوجہد خالصتاً غریب عوام کے حقوق کے لئے ہے۔

صدر پاکستان عوامی تحریک ڈاکٹر رحیق احمد عباسی کا کہنا تھا کہ پاکستان مسلم لیگ ن کی حکومت کی تشکیل میں دہشت گردوں نے مرکزی کردار ادا کیا۔ نون لیگ دہشت گردوں کا سیاسی ونگ ہے جبکہ دہشت گرد نون لیگ کا عسکری ونگ ہیں اور دونوں کا گٹھ جوڑ ایک دوسرے کے تحفظ کے لیے ہے۔ موجودہ حکومت عوام کی قاتل، دہشت گردوں کی سرپرست اور عوامی حقوق کی غاصب ہے۔ سانحہ ماڈل ٹاؤن کا تذکرہ کرتے ہوئے انہوں نے کہا کہ کمیشن کی رپورٹ کو دبایا جارہا ہے، مگر ہم شہداء کے خون کو رائیگاں نہیں جانے دیں گے اور قصاص لے کر رہیں گے۔

اس موقع پر نامزد کوآرڈینیٹر پاکستان عوامی تحریک ویمن ونگ ثمن شاہ، صدر پاکستان عوامی تحریک سپین چوہدری اقبال، جنرل سیکرٹری نعیم چوہدری، صدر منہاج القرآن ویمن ونگ محترمہ ستارہ ملک، معروف کالم نگار طاہرہ سحر، ہارون عباس برہان، جرمنی سے آئے محمد شکیل چغتائی، چیف آرگنائیزر PAT فرانس سلطان محبوب، صدر منہاج القرآن فرانس اظہر صدہق، راؤ خلیل احمد اور مقامی میئر Gilles Paux نے بھی اپنے خیالات کا اظہا کیا۔ انہوں نے ڈاکٹر طاہرالقادری کی علمی فکری اور نظریاتی خدمات کو خراج تحسین پیش کیا۔

حلف کی باقاعدہ تقریب کے بعد علامہ حافظ اقبال اعظم نے دعا کروائی، جس کے بعد حاضرین کے لیے پرتکلف کھانے کا بھی انتظام کیا گیا تھا۔