جب تک شہدائے ماڈل ٹاؤن کے قاتلوں کو قانون کے مطابق سزا نہیں ملتی احتجاج جاری رہے گا: ابرار رضا ایڈووکیٹ
شہدا کے مقدس خون سے آنے والا انقلاب تاریکی کو اجالے میں بدل دے
گا
وقت آ گیا ہے کہ غریب کے چہرے کی زردی اور لٹیروں کے چہرے کی لالی ختم کردی جائے
ڈاکٹر طاہرالقادری کی صحت یابی کے بعد آمد پوری قوم کو نیا حوصلہ دے گی
پاکستان
عوامی تحریک کے ضلعی صدر ابرار رضا ایڈووکیٹ نے کہا ہے کہ 17 جون کو ماڈل ٹاؤن میں
ہونے والے شہداء ہمارا فخر ہیں اور زندہ قومیں اپنے شہیدوں کو یاد رکھتی ہیں۔ جب تک
شہدائے ماڈل ٹاؤن کے قاتلوں کو قانون کے مطابق سزا نہیں ملتی ہمارا احتجاج جاری رہے
گا۔ شہدا کے مقدس خون سے آنے والا انقلاب تاریکی کو اجالے میں بدل دے گا۔ ان خیالات
کا اظہار انہوں نے پاکستان عوامی تحریک اور تحریک منہاج القرآن کے عہدیداران سے گفتگو
کرتے ہوئے کیا۔ انہوں نے کہا کہ پوری قوم کو فیصلہ کرنا ہو گا کہ 19 کروڑ عوام کا رزق
چند مٹھیوں میں کیوں اور کیسے بند ہے۔ وقت آ گیا ہے کہ غریب کے چہرے کی زردی اور لٹیروں
کے چہرے کی لالی ختم کر دی جائے۔ اس کیلئے قوم کو پاکستان عوامی تحریک کا ساتھ دینا
ہو گا۔ انہوں نے کہا کہ ڈاکٹر طاہرالقادری جلد صحتیاب ہو کر قوم کے درمیان ہونگے۔ ڈاکٹر
طاہرالقادری کی صحت یابی کے بعد آمد پوری قوم کو نیا حوصلہ دے گی۔
انہوں نے کہا کہ پرامن تبدیلی کا آپشن ابھی ختم نہیں ہوا۔ سانحہ ماڈل ٹاؤن کے شہداء کے لواحقین کو انصاف نہ ملنے کے خلاف 17 جنوری کو ہونے والا احتجاجی مظاہرہ تاریخی اہمیت کا حامل ہوگا جس کے بعد احتجاج کا سلسلہ ملک بھر میں پھیل جائے گا۔ جس کے لئے عوام سے رابطہ مہم کا آغاز بھی کر دیا گیا ہے۔ انہوں نے کہا کہ 17 جنوری کو ہر کوئی جان لے گا کہ پاکستان کا حقیقی مسیحا کون ہے۔ انہوں نے کہا کہ وقت آ گیا ہے عوام شعور کی آنکھ کھولیں اور اپنا مقدر چند سیاسی خاندانوں کو نہ بیچیں۔ جو قوم ظلم کے خلاف نہیں اٹھتی غلامی اسکا مقدر بنا دی جاتی ہے۔ 17 جنوری کو عوام قاتل حکمرانوں کے خلاف شد و مد سے آواز اٹھائیں۔ ڈاکٹر طاہرالقادری ہمیشہ کرپٹ سیاستدانوں کے ڈرامے اور حقائق جرات کے ساتھ قوم کے سامنے لائے۔
تبصرہ