ڈاکٹر طاہرالقادری نے پوری دنیا میں امن کے قیام کے لئے اہم کردار ادا کیا۔ اجمل چوہدری
پوری قوم کو آئین اور قانون کا شعور دیا۔ ابرار رضا ایڈووکیٹ
ڈاکٹر طاہرالقادری کی صحت یابی اور درازی عمر کے لئے منعقدہ دعائیہ تقریب کے موقع پر
اجتماعی دعا و خطابات
پاکستان عوامی تحریک کے رہنما اجمل چوہدری، ابرار رضا ایدووکیٹ، عرفان طاہر اور غلام علی خان نے کہا ہے کہ ڈاکٹر طاہرالقادری پوری دنیا میں اسلام کی حقیقی ترجمانی اور قیام امن کے لئے بے پایاں خدمات سرانجام دینے کے ساتھ ساتھ پوری پاکستانی قوم کو آئین اور قانون کا شعور دیا۔ ان خیالات کا اظہار انہوں نے گزشتہ روز ڈاکٹر طاہرالقادری کی صحت یابی اور درازی عمر کے لئے منعقدہ تقریب سے خطاب کرتے ہوئے کیا۔ اس موقع پر عرفان طاہر، سفیان صابر، احسان اللہ ایڈووکیٹ، احمد یار ایڈووکیٹ، فاروق بٹ، عثمان بٹ اور دیگر بھی موجود تھے۔ انہوں نے کہا کہ ڈاکٹر طاہرالقادری پوری قوم کے مسیحا ہیں، پوری قوم کی دعائیں ان کے ساتھ ہیں۔ انہوں نے کہا کہ ڈاکٹر طاہرالقادری جلد صحت یاب ہوکر واپسی پر انقلابی تحریک کا آغاز وہیں سے کریں گے اور غریب عوام کے حقوق دلانے کی انقلابی تحریک کو منزل تک پہنچا کر دم لیں گے۔
انہوں نے کہا کہ ڈاکٹر طاہرالقادری واحد لیڈر ہیں جنہوں نے انقلابی جدوجہد کا آغاز نچلی سطح سے کیا اور دیکھتے ہی دیکھتے انقلاب کی تحریک کو پوری دنیا کے کونے کونے میں پھیلا دیا۔ ڈاکٹر طاہرالقادری پوری دنیا میں سفیر امن کے طور پر جانے اور پہچانے جاتے ہیں۔ ڈاکٹر طاہرالقادری نے اپنی انقلابی جدوجہد کے ذریعے پوری قوم کو آئین، قانون اور حقیقی جمہوریت کا سبق سکھایا اور پوری قوم کو ایک پلیٹ فارم پر جمع کر دیا۔ آج پوری قوم انقلاب کے لئے تیار ہو چکی ہے۔ انہوں نے کہا ہے کہ سانحہ ماڈل ٹاؤن کے ذمہ دار بااثر حکمرانوں نے ہم پر انصاف کے تمام دروازے بند کر دیے۔ اس موقع پر پی ٹی آئی کے شہید کئے گئے کارکن کے لئے بھی دعاکی گئی۔ عوامی تحریک کے رہنماؤں نے فیصل آباد میں تحریک انصاف کے کارکنوں پر ریاستی جبر و تشدد کی سخت الفاظ میں مذمت کی اور قاتلوں کی فوری گرفتاری کا مطالبہ کیا۔
تبصرہ