عوامی انقلاب کی صورت میں شہدا کے کیس کی فتح ہو گی۔ ملک افضل

قاتل حکمران اور سانحہ ماڈل ٹاؤن کے ذمہ داران جلد تختہ دار پر ہونگے

پاکستان عوامی تحریک راولپنڈی کے صدر ملک افضل نے کہا ہے کہ سانحہ ماڈل ٹاؤن کی عوامی تحریک کی مدعیت میں FIR درج نہیں ہو رہی تو پھر اس طرح کے ٹربیونل بنانے کا مقصد فقط قاتلوں کو ہی تحفظ دینا ہے۔ ایک جانب حکومتی ٹریبونل قاتل حکمرانوں اور سرکاری ذمہ داروں کو بچانے کیلئے کام کر رہا ہے تو دوسری جانب عوامی عدالت میں ڈاکٹر طاہر القادری سانحہ ماڈل ٹاؤن کے شہداء اور زخمیوں کا کیس لڑ رہے ہیں جس میں عینی شاہدین کا کردار ادا کرتے ہوئے پاکستان کے الیکٹرانک چینلز بھی گواہی دے رہے ہیں۔ سانحہ ماڈل ٹاؤن پر قائم حکومتی ٹریبونل قوم کی آنکھوں میں دھول جھونکنے کے مترادف ہے۔

انہوں نے کہا کہ جلد عوامی انقلاب کی صورت میں شہدا کے کیس کی فتح ہو گی۔ قاتل حکمران اور ذمہ داران جلد تختہ دار پر ہونگے۔ قانون اور شریعت کے مطابق قصاص لیا جائے گا۔ انقلاب کے ذریعے 20 کروڑ عوام کو بنیادی حقوق اور حقیقی آزادی ملے گی۔ پاکستان عوامی تحریک کے لاکھوں کارکن اور عوام پاکستان قائد انقلاب ڈاکٹر طاہرالقادری کی فائنل کال کے منتظر ہیں۔ انہوں نے کہا کہ سانحہ ماڈل ٹاؤن پر قائم کیا جانیوالا ٹریبونل سوائے عوام کی آنکھوں میں دھول جھونکنے کے سوا کچھ نہیں۔ میڈیا نے عوام کو اس قدر باخبر اور باشعور کر دیا ہے کہ وہ حکمرانوں کے اوچھے ہتھکنڈوں کو جان چکے ہیں۔ انہوں نے کہا کہ اس طرح کے ٹریبونل کے فیصلوں سے قاتل حکمرانوں کی جان بخشی نہیں ہو سکتی۔ شہداء کے خون کا ایک ایک قطرہ ان دہشت گرد اور سفاک حکمرانوں کو بہت جلد کیفرکردار تک پہنچائے گا۔ انہوں نے کہا کہ ہم پرامن تھے، پر امن ہیں اور پرامن رہیں گے۔