ڈاکٹر طاہر القادری کی طرف سے ذکاء اشرف کی برطرفی کی مذمت

ذکاء اشرف کی برطرفی کرپٹ حکومت کا ایک اور ’’کارنامہ‘‘ ہے۔ ڈاکٹر طاہر القادری
بگ تھری کے خلاف اچھے انداز میں کیس لڑنے کی سزا دی گئی
پاکستان کے حق میں بولنے والے حکمرانوں کو گوارا نہیں ہیں

پاکستان عوامی تحریک کے قائد ڈاکٹر محمد طاہر القادری نے چیئرمین پی سی بی ذکاء اشرف کی برطرفی کی مذمت کرتے ہوئے اسے کرپٹ حکومت کا ایک اور ’’کارنامہ‘‘ قرار دیا ہے۔ انہوں نے کہا کہ برطرفی کا فیصلہ ذکاء اشرف کے بیرون ملک دورے کے دوران ہو گیا تھا یہ حکمرانوں کا پرانا طریقہ ہے۔ کرکٹ بورڈ بہت پیسہ دینے والا ادارہ ہے، حکمران اب یہاں بھی ایسا کرپٹ بندہ لائیں گے جوملک کے حق اور کرکٹ کی بہتری کیلئے شور نہ مچائے اور حکمرانوں کا وفادار بن کر رہے۔ ذکاء اشرف نے بگ تھری کے خلاف اچھے انداز میں کیس لڑا انہیں اس کی سزا دی گئی ہے۔ پاکستان کے حق میں بولنے والے حکمرانوں کو گوارا نہیں ہیں۔ کرپشن کے باعث پاکستانی کرکٹ کو پہلے ہی تباہی کی طرف دھکیلا گیا ہے۔ انہوں نے کہا کہ بگ تھری بین الاقوامی دھاندلی ہے اور اسکے خلاف ذکاء اشرف نے اچھی لڑائی لڑی۔