پاکستان عوامی تحریک کی طرف سے ملک بھر میں ہونے والے دھماکوں کی شدید ترین مذمت

بے گناہ معصوم انسانوںکی جان لینے والے سفاک درندے ہیں۔ سردارمنصورخان
پورے ملک کو آگ اور خون میں نہلانے والوں سے مذاکرات کی بات کرنا قوم کے ساتھ مذاق ہے

پاکستان عوامی تحریک کے رہنمائوں سردارمنصورخان اور دیگر نے ہنگوسمیت ملک بھر میں ہونے والے پے در پے دھماکوں پر سخت تشویش کااظہار کرتے ہوئے ملک میںد ہشت گردی کی بڑھتی ہوئی لہر کی شدید ترین مذمت کرتے ہوئے کہا کہ معصوم انسانوں کی جان لینے والے سفاک درندے ہیں، انہیں انسان کہنا انسانیت کی توہین ہے۔ حکومت عوام کی جان، مال اور عزت کے تحفظ میں ناکام اور بے بس ہوچکی ہے۔ حکومتی رٹ کہیں دکھائی نہیں دیتی اور دہشت گردی کے خاتمے کے لیے کسی پالیسی کا وجود ہی نہیں۔ انہوں نے کہا کہ پورے ملک کو آگ اور خون میں نہلانے والوں سے مذاکرات کی بات کرنا قوم کے ساتھ مذاق ہے۔ اب مسئلے کاحل مذاکرات میں نہیں رہا مذاکرات کاایک وقت اور طریقہ ہوتا ہے مذاکرات ان سے کئے جاتے ہیں جو حکومتی رٹ کو تسلیم کرے اور اسلحہ پھینک کر مذاکرات کرنا چاہے ا ن سے مذاکرات کئے جاتے ہیں، جو بے گناہ انسانوںکا مسلسل خون بہائے ان کاحل مذاکرات نہیں آپریشن میں ہے۔ انہوں نے کہا کہ پاکستان عوامی تحریک کے قائدین و کارکنان مظلوم خاندانوں کے غم میں برابر کے شریک ہیں ان پر جو قیامت گزری ہے اس کے ذمہ دار حکمران ہیں۔ عوامی تحریک کے رہنمائوںنے متاثرہ خاندان سے اظہار ہمدری اور افسوس کیا۔