اسلام آباد: ڈاکٹر طاہر القادری نے جس ایجنڈے کا اعلان کیا اس سے غریب کا مقدر چمک جائےگا۔ عمر ریاض عباسی

عوام نے ڈاکٹر طاہر القادری کے ایجنڈے کی تائید کر کے نئے پاکستان کی تشکیل کی بنیاد رکھ دی ہے
پاکستان عوامی تحریک کی جدوجہد ملک میں حقیقی تبدیلی کی بنیاد ثابت ہو گی

اسلام آباد( )01جنوری2014ء پاکستان عوامی تحریک کے مرکزی ڈپٹی سیکرٹری اطلاعات عمرریاض عباسی نے کہا ہے کہ موجودہ استحصالی اور کرپٹ نظام انتخاب کے دن گنے جا چکے ہیں کیونکہ عوام اسکی اصلیت سے آگاہ ہو چکے ہیں، اسکے تابوت میں آخری کیل ایک کروڑ نمازیوں کی جماعت انقلاب کے بعد ٹھونکی جائے گی۔ شیخ الاسلام ڈاکٹر محمد طاہر القادری نے 29دسمبر لاہور کے مال روڈ پر جس ایجنڈے کا اعلان کیا اس سے غریب کا مقدر چمک جائے گا۔ ڈاکٹر طاہر القادری نے اپنی ریسرچ کے ذریعے سے موجودہ انتخابی نظام کی تمام تر خرابیوں کو عوام کے سامنے آشکار کر دیا ہے اس لئے اب اس نظام کا بیڑہ غرق ہونے کو ہے۔ 29د سمبر کوعوام نے لاکھوں کی تعداد میں احتجاجی ریلی میں شرکت کر کے حقیقی تبدیلی کا فیصلہ سنا دیا ہے۔ عوام کے سمندر نے مال روڈ پہنچ کر ڈاکٹر طاہر القادری کے ایجنڈے کی تائید کر کے نئے پاکستان کی تشکیل کی بنیاد رکھ دی ہے۔ وہ ضلعی سیکرٹریٹ میں پاکستان عوامی تحریک اسلام آباد کے عہدیداران سے گفتگو کر رہے تھے۔

انہوں نے کہا کہ پاکستان عوامی تحریک کی احتجاجی ریلی میں مردوں کے ساتھ لاکھوں کی تعداد میں خواتین نے بھی شرکت کی اور ملک کی حالت زار کو بدلنے کا عہد کیا۔ پاکستان عوامی تحریک کی جدوجہد ملک میں حقیقی تبدیلی کی بنیاد ثابت ہو گی۔

انہوں نے کہا کہ انتخابی اصلاحات کے بغیر11مئی کے الیکشن قوم کی پشت میں چھرا مارنے کے مترادف تھے۔ عوام شعور کی بیداری سے چند خاندانوں کے پارلیمنٹ تک پہنچنے کے تمام امکانات ختم کر کے اپنے حقیقی نمائندوں کے اسمبلی میں پہنچنے کی راہ ہموار کریں، اس کیلئے قوم کو ڈاکٹر طاہر القادری کی آواز پر لبیک کہتے ہوئے ایک کروڑ نمازیوں کی صفوں میں شامل ہونا ہو گا۔