فیصل آباد: پاکستان عوامی تحریک پی پی 63 کا اجلاس

اجلاس سے ضلعی ناظم میاں کاشف محمود، نائب ناظم رانا غضنفر علی نے خطاب کرتے ہوئے کہا کہ تاریخ انسانی گواہ ہے کہ انقلاب کبھی امیروں، جاگیرداروں اور وڈیروں کی ضرورت نہیں رہا۔ جس پیغمبر نے بھی نظام کی تبدیلی کی آواز اٹھائی اس وقت کے وڈیرے، جاگیردار اور متمول لوگوں نے مزاحمتی حربے استعمال کر کے شدت کی مخالفت کی۔ برائی کو روکنے کیلئے سینہ سپر ہو جاناانقلابی تحریکوں کا طرہءِ امتیاز ہوتا ہے۔ اسکے کارکن مثبت قدروں کے فروغ کیلئے تن من دھن کی بازی لگا دیتے ہیں۔ ایسے کارکنوں کا تعلق اپنے سربراہ کے ساتھ انتہائی جذباتی نوعیت کا ہوتاہے جو انہیں بڑی سے بڑی قربانی دینے کیلئے ہمہ وقت تیار رکھتا ہے۔

اس موقع پررانا ناصر نوید، غلام محمد قادری، صدر ارشدگجر، نائب صدر رانا حفیظ قادری، ناظم محمد جاوید انصاری، عبد الغفار، حاجی رفیق علوی، عرفان سلطانی اور عبدالرزاق بھی موجود تھے۔

انہوں نے کہا کہ تحریک منہاج القرآن معاشرے میں ہر سطح پر ظلم کے خلاف سینہ سپر ہے اور وہ وقت جلد آئے گا جب پاکستان کی دھرتی پر انقلاب کا سویرا طلوع ہو گا۔ کارکن ایک کروڑ افراد کو ممبر بنانے کا ہدف جس دن حاصل کر لیں گے انقلاب کا سویرا طلوع ہو جائے گا۔